Pajhwok Services

SMS News Service

Photo Service

Election Coverage

Special Mining Page

Afghan Peace Process Special Page

Addvertise With Pajhwok

Daily Newsletter

Language
Sending Time (GMT / Kabul time)

Suggest a Story

Pajhwok is interested in your story suggestions. Please tell us your thoughts by clicking here.

له رابعه بلخي روغتون سره مرسته وشوه

له رابعه بلخي روغتون سره مرسته وشوه

By
On
Mar 10, 2019 - 19:07

کابل (پژواک، ١٩ کب ٩٧): د افغانستان اسلامي بانک د وضعیت د ښه کېدو او غوره روغتیايي خدمتونو وړاندې کولو په موخه له رابعه بلخي روغتون سره د یو شمېر طبي لوازمو مرسته وکړه.

رابعه بلخي روغتون په نسايي ولادي برخه کې د کابل ښار له هغو روغتونونه دی چې یوه شپه او ورځ کې شاوخوا ۹۰۰ ناروغان ورته راځي.

د اسلامي بانک د بازارموندنې برخې رییس سلیم رحیمي په رابعه بلخي روغتون کې د ښځو نړیوالې ورځې په مناسبت جوړې شوې غونډې ته وویل، دوی له رابعه بلخي روغتون سره د دوو عملیات خونو د لوازمو مرسته وکړه.

د اسلامي بانک د یادې سرچینې په خبره، په دغه لوازمو کې د بېړنیو ناروغانو د اړتیاوو پوره کولو لپاره اړین وسایل او د عملیاتو چپرکټ شامل وو.

نوموړي د یاد روغتون په دهلېزونو کې د یو شمېر پوسټرونو د نصب یادونه هم وکړه چې ناروغان یې پر کتلو خوشاله کېږي.

 

 

رحیمي د خپلو خبرو په یوه برخه کې د یاد روغتون د ډاکترانو او نرسانو فعالیتونه وستایل او ویې ویل، اسلامي بانک د دغه روغتون ۷۰ ډاکترانو او نرسانو ته د ښه فعالیت له امله ډالۍ ووېشلې.

د سرچینې د معلوماتو پر اساس، د افغانستان اسلامي بانک په سوداګریزو برخو کې د اسانتیا لپاره متشبثو ښځو ته خدمات وړاندې کوي.

هغه وویل، همدا اوس په مکروریانو او شهرنو سیمه کې د دغه بانک دوې نمایندګۍ فعالیت لري او ټاکل شوې چې په نږدې راتلونکي کې دغه خدمتونه د ولایتونو متشبثو ښځو ته هم وړاندې کړي.

د حدیثې په نوم د رابعه بلخي روغتون یوې ډاکترې پژواک خبري اژانس ته وویل، دغه مرستې به د رابعه بلخي روغتون د پرمختګ لامل وګرځي.

هغې زیاته کړه، د افغانستان ښځې د ټولنې د مدیریت او مشرۍ وړتیا لري او له دوی څخه باید ملاتړ وکړي.

د نوموړي په خبره، پر مهمو پوسټونو د ښځو دندې په ډاګه کوي چې په دولت کې د ښځو ګډون د پام وړ پرمختګ کړی دی داسې چې اوس په یوه لوړه دولتي څوکۍ د ښځې ګومارنه د خلکو لپاره نوی خبر نه دی.

دا په داسې حال کې ده چې ویل کېږي اوس په زیاتره پرمختللو هېوادونو کې د اسلامي بانکدارۍ خدمتونه د هغه هېوادونو د اقتصادي فعالیتونو په پراختیا کې اساسي رول لري.

Related Article

Add new comment

Advertisement

Advertisement

Twitter Update