Pajhwok Services

SMS News Service

Photo Service

Election Coverage

Special Mining Page

Afghan Peace Process Special Page

Addvertise With Pajhwok

Daily Newsletter

Language
Sending Time (GMT / Kabul time)

Suggest a Story

Pajhwok is interested in your story suggestions. Please tell us your thoughts by clicking here.

بغلان کې ځوانانو له نړیوالو د افغان سولې خبرو کې د رښتیني منځګړیتوب غوښتنه وکړه

بغلان کې ځوانانو له نړیوالو د افغان سولې خبرو کې د رښتیني منځګړیتوب غوښتنه وکړه

By
On
Mar 17, 2019 - 19:17

پلخمري (پژواک ٢٦ کب ٩٧): د بغلان ولایت له څو ولسوالیو څخه مرکز پلخمري ته راغلو لسګونو ځوانانو په افغانستان کې د سولې  په منظور د پیل شویو هڅو په ملاتړ جوړه شوې غونډه کې له نړیوالو د رښتیني منځګړیتوب غوښتنه وکړه.

 د بغلان والي عبدالحى نعمتي  د کب په ۲۶ مه  دغې غونډې ته وینا کې وویل،  د افغانستان خلک او حکومت  دواړه خپل هېواد کې هغه سوله غواړي چې تر شا یې پټې خبرې نه وي.

ده زياته کړه، ((افغان حکومت تر هر څه  وړاندې  د سولې  وړاندیز کړی، خو داسې سوله نه چې تر شا یې د ګندمک معاهدې تکرار او د بل ډیورنډ زېږنده وي.))

نوموړي ټینګار وکړ چې افغان ځوانان به هیڅکله  د پردیو د سیاست ښکار نه شي او نه به هم هغه سوله چې د هېواد او خلکوعزت په کې نه وي، ومني.

په بغلان کې د ځوانانو پارلمان غړي نجیب الله محسني هم د راغلو ځوانانو په استازیتوب  له نړیوالو  د افغان سولې لپاره پر رښتیني منځګړیتوب  ټینګار وکړ.

ده وویل: ((موږ له هغه چا د سولې تمه لرو چې کولای شي سوله راولي، له هغو چې د سولې په نوم غواړي موږ بیا ځل وپاشي، هیڅ تمه نه لرو، هغه دې مهرباني وکړي زموږ په کورنیو لانجو کې دې  نور لاس نه وهي.))

ګڼ شمېر نورو هم  له نړیوالو ورته غوښتنې لرلې او د سولې په موخه پیل شویو خبرود ملاتړ کولو ترڅنګ یې له  طالبان هم  د بین الافغاني خبرو د پیلولو غوښتنه وکړه.

تر دې وړاندې هم دیني عالمانو په پلخمري کې د سولې خبرو په ملاتړ جوړه شوې غونډه کې له  طالبانوغوښتي وو چې له حکومت سره دې د سولې په اړه مخامخ خبرې پیل کړي.

Related Article

Add new comment

Advertisement

Advertisement

Twitter Update