Pajhwok Services

SMS News Service

Photo Service

Election Coverage

Special Mining Page

Afghan Peace Process Special Page

Addvertise With Pajhwok

Daily Newsletter

Language
Sending Time (GMT / Kabul time)

Suggest a Story

Pajhwok is interested in your story suggestions. Please tell us your thoughts by clicking here.

پکتیکا کې ښوونځي ته د ماشومانو شاملولو لپاره کور په کور کمپاین پیل شو

پکتیکا کې ښوونځي ته د ماشومانو شاملولو لپاره کور په کور کمپاین پیل شو

By
On
Mar 24, 2019 - 17:19

ښرنه (پژواک، ٤ ورى ٩٧): د پکتيکا د پوهنې رياست، ولايتي شورا او مدني ټولنو له لوري د دغه ولايت په مرکز او ولسواليو کې د ښوونيز بهير د چټکتيا او ښوونځيو ته د ماشومانو د جلب او جذب په موخه کور په کور د زده کړو کمپاين پيل شو.

په دې اړه د پکتيکا د پوهنې رييس محراب الدين شفق د کب په څلورمه پژواک خبري اژانس ته وويل چې په ښوونځيو کې د ماشومانو د شاملولو په موخه دوى نن کور په کور کمپاين پيل کړى دى.

هغه وايي: ((په دغه کمپاين کې د ولايتي شورا او مدني ټولنو غړي هم له موږ سره برخه لري او موږ کور په کور ګرځو، له قومي مشرانو او خلکو غواړو چې خپل ماشومان په ښوونځيو کې شامل کړي.))

دغه راز د پکتيکا ولايتي شورا غړي عزيز عزيز وويل چې له روانو ناخوالو د خلاصون يواځېنۍ لار زده کړې دي چې ټول يې بايد پر خپلو اولادونو وکړي.

ده د پکتيکا پر اوسېدونکو ټينګار وکړ چې د هلکانو تر څنګ نجونې هم ښوونځيو ته ولېږي.

په ورته وخت کې د مدني ټولنې غړي عظمت کټوازي پژواک ته وويل چې په دغه کمپاين خلکو هم له دوى سره برخه اخيستې او کور په کور ورسره ګرځېدلي دي.

ده وويل: ((ډېرو خلکو له موږ سره وعده کړې چې خپل بچيان ښوونځيو کې شاملوي او نور د پخوا په شان خپل بچي بېسواده نه پرېږدي.))

کټوازي پر حکومتي ادارو ټينګار وکړ چې د ماشومانو د زده کړو لپاره اړين چاپېريال او وسايل برابر کړي.

د يادونې ده، په پکتيکا کې دا مهال ٣٩٥ ښوونځي شته چې د پنځوسو زرو نجونو په ګډون ١٢٥زره کسان په کې زده کړې کوي.

Related Article

Add new comment

Advertisement

Advertisement

Twitter Update