Pajhwok Services

SMS News Service

Photo Service

Election Coverage

Special Mining Page

Afghan Peace Process Special Page

Addvertise With Pajhwok

Daily Newsletter

Language
Sending Time (GMT / Kabul time)

Suggest a Story

Pajhwok is interested in your story suggestions. Please tell us your thoughts by clicking here.

لاريون کوونکي: د ماشوم سميع الله او مهسا قاتلين دې اعدام شي

لاريون کوونکي: د ماشوم سميع الله او مهسا قاتلين دې اعدام شي

By
On
Mar 25, 2019 - 14:36

ګردېز (پژواک، ٥ ورى ٩٧): د پکتيا يو شمېر اوسېدونکو د يو لاريون په ترڅ کې د اعتراض په ډول د ګردېز- کابل لويه لار د دوو ساعتونو لپاره وتړله او د يوه وژل شوي ماشوم سميع الله قاتلينو ته يې د اعدام سزا غوښتنه وکړه.

د لاريون کوونکو له ډلې د وژل شوي شپږ کلن ماشوم سميع الله مشر ورور عبدالله وايي چې شاوخوا يوه مياشت وړاندې وسله والو انسان تښتوونکو د کابل له احمدشاه بابا مېنې د ده کوچنی ورور وتښتاوه او وروسته يې سر ترې غوڅ کړی او په کنډوالو کې غورځولی و.

نوموړي پژواک ته وويل چې امنيتي ځواکونو د سميع الله په تښتونه او وژنه کې ښکېل شپږ کسان نيولي، خو د څو اونيو په تېرېدو يې لا محاکمې او ورته سزا اورولو هېڅ څرک نشته.

دی وايي: ((زما ورور شپږ کلن و، غلو وتښتاوه او بيا يې حلال کړ، په يوه کنډواله کې يې خښ کړی و، بيا امنيتي ځواکونو پيدا کړ او قاتلين يې هم ونيول، اوس له حکومت څخه زموږ غوښتنه دا ده چې دوی اعدام کړي، که اعدام يې نکړي، موږ د ارګ مخه هم بندوو.))

د وژل شوي ماشوم ماما رحيم خان وايي، تښتوونکو ترې لومړی دېرش زره ډالر غوښتي وو او له دې پيسو ترلاسه کولو وروسته يې بيا د لس زره ډالرو او دوه سوه زره افغانيو غوښتنه کړې وه چې په خبره يې، دوی يې د ورکولو په هڅه کې و، خو هغوی ماشوم په خورا بې رحمۍ وواژه.

دی وايي: ((غوښتنه يې کړې وه، دېرش زره ډالر مو اول ورکړل، وروسته يې ويل چې لس زره ډالر او دوه لکه افغانۍ نورې هم راکړئ، هغو ته مو هم نيت و او هڅه مو کوله چې ور يې کړو، خو رانه حلال يې کړ.))

مدني فعال جمال وايي چې انسان تښتوونکو او وژونکو ته د سختې او عاجلې سزا نه ورکولو له امله دا پېښې زياتې شوې او خلک د سميع الله او مهسا وژونکو ته هر څه ژر د اعدام سزا ورکولو غوښتنه کوي.

نوموړي وويل: ((له رييس جمهور او دولت نه زموږ غوښتنه دا ده چې د سميع الله او مهسا قاتلينو باندې د اعدام حکم صادر کړي.))

دغه راز د منګلو يووالي ټولنيزې شورا مشر اسلام الدين منګل د ماشومانو تښتول او وژل خورا دردوونکی او غير انساني عمل بولي او ټينګار کوي چې دولت بايد له هرې ممکنه لارې د داسې پېښو مخه ونيسي.

منګل وايي: ((موږ وژل شوو ماشومانو ته عدالت غواړو او په عام محضرکې د دوی اعدام غواړو.

خلک ډېر خپه او مايوسه په دې دي چې ولې داسې وړوکی ماشوم تښتول کېږي او بيا حلالېږي، ولې؟ اوس چې قاتلين يې نيول شوي بايد عدالت پرې تطبيق شي.))

هڅه مو وکړه چې په دې اړه د کورنيو چارو وزارت نظر هم ولرو، خو د پرله پسې اړيکو سربېره بريالي نشوو.

په هېواد کې د ورته پېښو په اړه د خلکو يوه لويه نيوکه دا ده چې د دې پېښو عاملينو ته د سزا په ورکولو کې غوڅ اجرات او اقدام نه کېږي.

Related Article

Add new comment

Advertisement

Advertisement

Twitter Update