Pajhwok Services

SMS News Service

Photo Service

Election Coverage

Special Mining Page

Afghan Peace Process Special Page

Addvertise With Pajhwok

Daily Newsletter

Language
Sending Time (GMT / Kabul time)

Suggest a Story

Pajhwok is interested in your story suggestions. Please tell us your thoughts by clicking here.

خوست کې "غازي اخبار" سل کاله وروسته بیا چاپ شو

خوست کې "غازي اخبار" سل کاله وروسته بیا چاپ شو

By
On
Aug 17, 2019 - 10:04

خوست ښار (پژواک، ٢٦ زمری ۹۸): په خوست کې د خپلواکۍ د سلمې کاليزې په وياړ د شاه امان الله خان په دوره کې په خوست کې د چاپېدونکي د ”غازي اخبار‟ اوومه ګڼه چاپ او خپره شوه.

د دې ترڅنګ پرون په خوست کې د سلو کتابونو د چاپ لړۍ هم پيل شوه.

د غازي اخبار له نن څخه سل کاله وړاندې د شاه امان الله خان په دوره کې د لويې پکتيا په کچه په خوست کې چاپ او خپرېده چې شپږ ګڼې يې هماغه مهال خپرې شوې وې او اوومه ګڼه يې پرون په خوست کې له چاپه راووته.

د خوست والي محمد حليم فدايي چې د دغه اخبار او د يو شمېر کتابونو د خپرېدو پرانيستغونډې ته يې خبرې کولې، وويل، هڅه يې دا ده چې د خپلواکۍ د سلمې کاليزې په مناسبت د غازي اخبار چاپ د يوې مهالنۍ په توګه جاري وساتي.

هغه زياته کړه: ((سل کاله وروسته دلته چې د غازي په نوم باندې اخبار چاپېږي دا د خوستوالو لپاره د وياړ خبره ده او تاسو ټولو خوستوالو ته د دې مبارکي وايم او دا د ستاسو وياړ دی.))

پر دې سربېره ولايت مقام د خپلواکۍ د سلمې کاليزې په وياړ په پښتو ژبه د سلو کتابونو د چاپ لړۍ هم پيل کړه چې له دې ډلې درې کتابونو چاپ او نن يې د مخکتنې غونډه جوړه شوې وه.

ليکوال او مدني فعال سپين روان نوروزي پژواک خبري اژانس ته وويل چې د دغو کتابونو او اخبار چاپ او خپرول به نه يواځې د پښتو ژبې د ادبيا په بډاينه کې مرسته وکړي، بلکې د خلکو د ذهنونو په روښانولو او د علمي سويې په لوړېدو کې مهم رول لري.

هغه وايي: ((کله چې علم او خبرې د قلم په ژپه شپول کې راګير شي، هغه خوندي کېږي او هر وخت خلک ترې ګټه اخيستی شي، نو په دې اساس د غازي اخبار او څنک کې نور چاپي اثار چې راتلونکي کې چاپېږي، د ولسونو د ذهنونو د تنوير لپاره اساسي ګام دی.))

ورته مهال د خوست د اطلاعاتو او فرهنګ رييس محمدانور زاهد پژواک اژانس ته بيا وويل چې د غازي اخبار بيا چاپېدل په رسنيز ډګر کې يو مثبت ګام دی او د ټولنې په ويښتابه کې به مهم رول ترسره کړي.

دی زياتوي: ((غازي اخبار چې د غازي امان الله خان د واکمنۍ پر مهال چاپېده، شپږمه ګڼه يې د خوست په اطلاعاتو او فرهنګ رياست کې موجوده ده، دا چې بيا ځل چاپېږي په رسنيز ډګر کې يو مهم ګام دی او د ولسونو د زهنونو په تنوير کې مهم رول ولري.))

دا په داسې حال کې ده چې له انګرېزانو د خپلواکۍ ګټلو سلمې کاليزې ته يواځې دوې ورځې پاتې دي او د دې ورځې د نمانځلو په خاطر د نورو ولايتونو تر څنګ په خوست کې هم ورته تدابیر نيول شوي دي.

Related Article

Add new comment

Advertisement

Advertisement

Twitter Update