Pajhwok Services

SMS News Service

Photo Service

Election Coverage

Special Mining Page

Afghan Peace Process Special Page

Addvertise With Pajhwok

Daily Newsletter

Language
Sending Time (GMT / Kabul time)

Suggest a Story

Pajhwok is interested in your story suggestions. Please tell us your thoughts by clicking here.

پکتیکا کې ۱۱ پروژې ګټې اخیستنې ته وسپارل شوې

پکتیکا کې ۱۱ پروژې ګټې اخیستنې ته وسپارل شوې

By
On
Aug 18, 2019 - 17:29

ښرنه- اسعد اباد (پژواک، ٢٧ زمرى ٩٨): په پکتيکا او کونړ ولايتونو کې د شاوخوا ١٩ ميليونه افغانيو په لګښت ځینې پروژې بشپړې او ګټې اخيستنې ته وسپارل شوې.

د پکتيکا د ولسي تړون پروګرام ولايتي مسوول محمد شفيق شپون د زمري په ٢٧مه پژواک خبري اژانس ته وويل چې د دغه ولایت په يحيى خېلو ولسوالۍ کې د لس ميليونه افغانيو په لګښت ١١ پروژې بشپړې او ګټې اخيستنې ته وسپارل شوې.

هغه وايي چې په دغو پروژو کې پنځه د پاکو اوبو رسولو پروژې او شپږ ژورې څاګانې شامل دي.

د نوموړي د معلوماتو له مخې، د دغو پروژو ٨٠ سلنه لګښت د ولسي تړون پروګرام له لارې او پاتې نور يې د سيمې د اوسېدونکو له لوري ورکړل شوی دی.

د هغه په وينا، له دغو پروژو به ٢٥٠٠ کورنۍ ګټه پورته کړي چې له دې وړاندې يې په يادو برخو کې له ستونزو سره مخ وې.

دغه راز د دې ولسوالۍ يوه قومي مشر زر خان پژواک ته وويل چې د دې ولسوالۍ ډېرو خلکو له دې مخکې پاکو اوبو ته لاسرسى نه درلود.

هغه وايي: ((د دغو پروژو په جوړېدو سره تر ډېره زموږ د پاکو اوبو مشکل حل شوى دى.))

زرخان زياتوي چې د يحيى خېلو اوسېدونکو په دې ولسوالۍ کې د امنيت د ټينګښت لپاره ډېرې قربانۍ ورکړې نو ځکه اوس په کې پرمختيايي کارونه ترسره کېږي.

دغه راز د يو بل خبر له مخې، په کونړ ولايت کې د برېښنا رياست ودانۍ له جوړېدو وروسته ګټې اخيستنې ته وسپارل شوه.

د اړوندې موضوع په اړه نیول شوو مراسمو ته د کونړ د برېښنا رييس عبدالشکور وويل چې دغه ودانۍ په درېيو پوړونو کې د ٩،٨ ميليونه افغانيو په لګښت جوړه شوې ده.

ده زياته کړه: ((تر دې وړاندې موږ په يوې زړې ودانۍ کې خپلې اداري چارې پر مخ وړلې چې په ډېر مشکل کې و خو اوس مو مشکل حل شو.))

په دې غونډه کې د کونړ والي عبدالستار ميرزکوال وويل چې په دغه ولايت کې اوس هم ډېرې دولتي ادارې خپل ملکيتونه او ودانۍ نه لري.

هغه زياته کړه: ((موږ هڅې پیل کړې چې د کونړ ولایت د ادارو لپاره یو منظم اداري کمپلېکس جوړ کړو څو ټولې ادارې د خپلو دفترونو او ملکیتونو درلودونکې شي.))

دغه راز والي وويل چې په راتلونکو څو ورځو کې به د مناګي برېښنا بند چارې هم بشپړې او ګټې اخيستنې ته وسپارل شي.

د يادونې ده، د مناګي برېښنا بند له جوړېدو سره به د مرکز اسعداباد اوسېدونکو د برېښنا ستونزه هواره شي.

Related Article

Add new comment

Advertisement

Advertisement

Twitter Update