Pajhwok Services

SMS News Service

Photo Service

Election Coverage

Special Mining Page

Afghan Peace Process Special Page

Addvertise With Pajhwok

Daily Newsletter

Language
Sending Time (GMT / Kabul time)

Suggest a Story

Pajhwok is interested in your story suggestions. Please tell us your thoughts by clicking here.

پاکستاني پوځيانو پر کونړ ٧٢٠ توغندي توغولي

Security & Crime

ارشيف

پاکستاني پوځيانو پر کونړ ٧٢٠ توغندي توغولي

By
On
Aug 21, 2019 - 16:19

اسعد اباد (پژواک، ٣٠ زمرى ٩٨): د کونړ چارواکي وايي چې پاکستاني پوځيانو د دغه ولايت پر درېيو ولسواليو ٧٢٠ توغندي توغولي چې خلکو ته يې مالي زيانونه اړولي دي.

د کونړ والي عبدالستار میرزکوال د زمري په ۳۰مه نېټه پژواک ته وويل، دغه توغندي  د کونړ په شلتن، دانګام، او ناړۍ ولسوالیو کې لګېدلي خو ډېری یې پر شلتن توغولي دي.

هغه زياتوي، د پاکستاني پوځیانو په دغو توغندیو کې چا ته د  سر زيان نه دی اوښتی، خو په شلتن کې يې څلور کورونه زیانمن کړي او دغه راز شاوخوا لس څاروي هم په کې له منځه تللي دي.

والي وايي، پاکستاني پوځیانو له یو څه ځنډ وروسته يو ځل بيا د کونړ پر سرحدي ولسوالیو راکټي بریدونه پيل کړي دي.

ميرزکوال وويل چې د پاکستاني پوځیانو د توغندیزو بریدونو په اړه يې مرکزي حکومت ته خبر ورکړى څو دې ستونزې ته له ډیپلوماتیکو لارو حل ولټوي.

د کونړ یو اوسېدونکی يار ملاخان وايي، دا د کونړ ولایت له خلکو سره دښمني ده او دوی غواړي چې د کونړ د خلکو وینه تویه کړي، کورونه يې ورانوي او بې کوره کول يې غواړي.

د کونړ د ولایتي شورا غړی جمال الدین سیار بیا د پاکستان د دې کړنې د غندلو ترڅنګ ګواښ وکړ چې  که پاکستاني پوځیان دغه عمل ته دوام ورکړي نو د کونړ ولسونه به له خپلو ملي او دفاعي ځواکونو سره په ګډه په یوه سنګر کې له خپلو خلکو او خاورې نه دفاع وکړي.

د یادونې ده، له تېرو لسو کلونو ډېره موده وشوه چې د پاکستاني پوځیان د ډیورنډ کرښې له هغې غاړې نه د کونړ په خاوره د توغندیو بریدونه کوي چې له امله يې زرګونه کورنۍ خپلو کورونو پرېښودو ته اړ شوي.

Related Article

Add new comment

Advertisement

Advertisement

Twitter Update