Pajhwok Services

SMS News Service

Photo Service

Audio Service

Election Coverage

Special Mining Page

Afghan Peace Process Special Page

Addvertise With Pajhwok

Daily Newsletter

Language
Sending Time (GMT / Kabul time)

Suggest a Story

Pajhwok is interested in your story suggestions. Please tell us your thoughts by clicking here.

هلمند کې لسګونه عالمان او ملا امامان د کمپيوټر او انګليسي ژبې له زده کړو فارغ شول

هلمند کې لسګونه عالمان او ملا امامان د کمپيوټر او انګليسي ژبې له زده کړو فارغ شول

By
On
Feb 17, 2020 - 15:48

لښکرګاه (پژواک، ٢٨ سلواغه ٩٨): په هلمند ولايت کې د لومړي ځل لپاره پنځوس ديني عالمان او ملا امامان د کمپيوټر او انګليسي ژبې له زده کړو څخه فارغ شول.

 د اړوندې موضوع په اړه جوړې شوې غونډې ته هلمند ولايت کې د توحيد، ټولنيزو او پرمختيايي چارو موسسې مشر وحيدالله الفت وويل چې د ولايتي ادارې په همکارۍ يې ديني عالمانو او د جوماتونو د ملا امامانو لپاره د کمپيوټر او انګليسي ژبې د زده کړو شپږ مياشتنى کورس برابر کړى و.

هغه وايي: (( په دې شپږ مياشتو کې دې ديني عالمانو او د جوماتونو ملا امامانو کمپيوټر ښه زده کړى او په انګليسي هم روانې خبرې کوي.))

دغه راز له ياد پروګرام څخه يوه تن فارغ شوي ديني عالم حميدالله پژواک ته وويل چې ياد پروګرام د دوى لپاره خورا ګټور و.

هغه زياته کړه: ((اوس په انګليسي ښه خبرې کوم او کمپيوټر مې هم زده دى، دغه پروګرام زموږ د علميت په لوړولو کې موږ سره ډېره مرسته وکړه او نور يې هم کوي.))

يو شمېر نورو ديني عالمانو هم ورته څرګندونې وکړې او ويې ويل چې په راتلوونکي کې هم بايد ورته پروګرامونه د دوى لپاره جوړ شي.

همدارنګه د هلمند د حج او اوقافو رييس محمد داوود مدقق وويل چې اوس هم په ولسواليو کې ډېرى کسان د انګليسي ژبې زده کړه کفر بولي او له ټکنالوجۍ سره بلدتيا نه مني.

هغه زياتوي: ((موږ د همدې لپاره ديني عالمانو او ملا امامانو ته د کمپيوټر او انګليسې زده کړې ورکړې، ترڅو خلک يې په اهميت وپوهوي.))

د غونډې په پاى کې د هلمند والي محمد ياسين خان وويل چې له روان کړکېچ څخه د خلاصون يواځنۍ لار له نوى ټکنالوجۍ سره د ديني عالمانو او بيا د خلکو بلدتيا ده.

دى وايي: ((که چېرې خلک په عصري علومو پوه شي، نو بيا په اسلام هم ښه پوهيږي او هم يې له هېواد سره مينه پيدا کيږي.))

د يادونې ده چې هلمند د افغانستان تر ټولو نا امنه ولايت دى چې ډېرى اوسېدونکي يې د زده کړو له نعمت څخه بې برخې دي.

Related Article

Add new comment

Advertisement

Advertisement

Etisalat Get more data, Etisalat Afghanistan

Twitter Update