Pajhwok Services

SMS News Service

Photo Service

Audio Service

Election Coverage

Special Mining Page

Afghan Peace Process Special Page

Addvertise With Pajhwok

Daily Newsletter

Language
Sending Time (GMT / Kabul time)

Suggest a Story

Pajhwok is interested in your story suggestions. Please tell us your thoughts by clicking here.

په کابل کې د امنيتي او دفاعي ګډو ځواکونو قوماندانۍ په کار پیل وکړ

په کابل کې د امنيتي او دفاعي ګډو ځواکونو قوماندانۍ په کار پیل وکړ

By
On
Jun 03, 2020 - 16:14

کابل (پژواک،۱۴ غبرګولی ۹۹): د امنيتي او دفاعي ګډو ځواکونو عمومي قومانداني د امنیت د ټینګښت، د قانون د تنفیذ او له جرمونو سره د مبارزې په موخه جوړه او نن یې خپلې چارې پیل کړې.

د کورنيو چارو وزارت د مطبوعاتي دفتر له خوا په خپره شوې خبرپاڼه کې چې یوه کاپي يې پژواک ته رارسېدلې راغلي چې دغه قومانداني نن په رسمي ډول په کابل کې پرانیستل شوه او خپلې چارې يې پیل کړې.

سرچينه د دې قوماندانۍ د جوړېدو موخه د کابل ښار د امنیت ټینګښت، د قانون تنفیذ او له جرمونو سره مبارزه يادوي او زياتوي چې د دې قوماندانۍ مشري به د کابل امنیه قوماندان (مل پاسوال امان الله واحدي) پر غاړه وي.

په خبرپاڼه کې راغلي چې دغه قومانداني نن د کورنیو چارو وزارت د ستر امنیتي مرستيال سترپاسوال عبدالصبور قانع له خوا پرانیستل شوه.

سرچينه زياتوي، دغه قومانداني له کورنیو چارو، ملي دفاع وزارتونو او ملي امنیت عمومي ریاست څخه درې مرستیالان لري او د کابل ښار د ښه امنیت ساتنې لپاره به په ګډه کار کوي.

د کورنیو چارو وزارت ستر امنیتي مرستيال سترپاسوال عبدالصبور قانع نن د دې قوماندانۍ د پرانیستې د مراسمو پر مهال د امنیت ساتنې او له جرمونو سره د مبارزې په برخه کې د یادې قوماندانۍ شتون د اړتیا او پاملرنې وړ وباله او ویې ویل، د ګډو ځواکونو عمومي قوماندانۍ کې د امنیتي او دفاعي ارګانونو ځواکونه شامل دي او د قانون د تنفیذ او همدارنګه د جنايي او ترهګریزو کړیو پرضد د عملیاتو د پلانولو په برخه کې به په ګډه همغږې دنده ترسره کړي.

د يادونې ده چې دا مهال د دې قوماندانۍ ترڅنګ د کابل پوليسو د۱۰۱ اسمايي زون قوماندانۍ او ګارنيزيون قوماندانۍ د کابل ولايت د امنيت ساتنې مسووليت پر غاړه لري.

Related Article

Add new comment

Advertisement

Advertisement

Etisalat Get more data, Etisalat Afghanistan

Twitter Update