Pajhwok Services

SMS News Service

Photo Service

Audio Service

Election Coverage

Special Mining Page

Afghan Peace Process Special Page

Addvertise With Pajhwok

Daily Newsletter

Language
Sending Time (GMT / Kabul time)

Suggest a Story

Pajhwok is interested in your story suggestions. Please tell us your thoughts by clicking here.

د کورنیو چارو وزارت : کابل کې د خلکو شکایتونو ته د رسېدنې لړۍ پيل شوه

د کورنیو چارو وزارت : کابل کې د خلکو شکایتونو ته د رسېدنې لړۍ پيل شوه

By
On
Jun 05, 2020 - 11:56

کابل (پژواک، ۱۶ غبرګولی ۹۹) : د کورنیو چارو وزارت وایي چې په کابل ښار او ولسوالیو کې د خلکو شکایتونو ته د رسېدنې لړۍ پيل شوې ده.

د یاد وزارت له خوا په یوه خپره شوې خبرپاڼه کې راغلي چې د امنیتي حوزو د نوي طرزالعمل له مخې، له دې وروسته د کابل ولایت د بېلابېلو ناحیو او ولسوالیو اوسېدونکي کولای شي خپلې امنیتي ستونزې او ننګونې په مستقیمه توګه د کورنیو چارو وزارت له چارواکو سره شریکې کړي.

وزارت په دې اړه یوه فورمه هم په انلاین توګه خپره کړې چې خلک يې له لارې خپل شکایتونه ثبتولی شي. بلخوا د کورنیو چارو وزارت سرپرست مسعود اندرابي ویلي چې د ولسمشر له لارښوونې او د خلکو د غوښتنو په رڼا کې یې د کابل ټولو حوزو کې له جنایي جرمونو سره د مبارزې نوی طرزالعمل ترتیب او همدا راز په ټولو حوزو کې د حوزو نوی کاري طرزالعمل د تطبیق په حال کې دی.

هغه په خپله ټویټر پاڼه کې لیکلي، د کابل د امنیت د ښه والي او د جرایمو د کنترول لپاره یې د ولسوالیو او حوزو د ګذر وکیلانو، ملکانو او د خلکو استازو سره د ناستو لړۍ هم پېل کړې ده. اندرابي ویلي، له پولیسو سره دخلکو د همکارۍ په اړه هر ډول وړاندیزونه، طرحې او شکایتونه په ورین تندي مني او په اړه یې د اجرااتو ژمنه کوي. دا په داسې حال کې ده چې په کابل ښار کې نا امنۍ او جنایي جرمونه زیات شوي او هره ورځ په کې هدفي وژنې ترسره کیږي.

Tags: 

Related Article

Add new comment

Advertisement

Advertisement

Etisalat Get more data, Etisalat Afghanistan

Twitter Update