Pajhwok Services

SMS News Service

Photo Service

Audio Service

Election Coverage

Special Mining Page

Afghan Peace Process Special Page

Addvertise With Pajhwok

Daily Newsletter

Language
Sending Time (GMT / Kabul time)

Suggest a Story

Pajhwok is interested in your story suggestions. Please tell us your thoughts by clicking here.

په غزني کې د توغنديو لګېدو له امله اته کسان ټپيان شوي

په غزني کې د توغنديو لګېدو له امله اته کسان ټپيان شوي

By
On
Jul 16, 2020 - 15:04

غزني ښار (پژواک، ٢٦ چنګاښ ٩٩): په غزني کې د ولسمشر د غونډې ځاى ته نږدې توغندي لکېدلي چې له امله يې د ملکي وګړو په ګډون اته کسان ټپيان شوي دي.

ولسمشر محمد اشرف غني ديوه لوړپوړي دولتي پلاوي په ملتيا نن سهار غزني ولايت ته ورغلى و، هلته يې د دغه ولايت له اوسېدونکو او مسوولينو سره ليدلي دي.

خو د ولسمشر غني له بېرته راتګ وروسته د غزني ښار د څو نورو سيمو ترڅنګ د هغه ځاى په سل متري کې هم  توغندى لګېدلی، چېرته چې د ولسمشر لپاره غونډه جوړه شوې وه.

د غزني د ولايتي روغتون مشر ډاکټر باز محمد همت پژواک ته وويل چې د توغنديو د لګېدو له امله تر اوسه روغتون ته اته ټپيان انتقال شوي دي.

ده وويل چې په ټپيانو کې پنځه ملکي وګړي او پاتې نور يې حکومتي سرتېري دي.

دغه راز په غزني کې د ٢٠٣ تندر قول اردو درېیمې لوا د يوې خبرپاڼې په خپرولو سره ويلي دي چې نن سهار وسله والو طالبانو پر غزني ښار پنځه توغندي توغولي دي.

سرچينه وايي چې د دغو توغنديو د لګېدو له امله پنځه ملکي وګړي ټپيان شوي دي.

خو بل لورته وسله والو طالبانو تر اوسه په دې اړه څه نه دي ويلي.

د يادونې ده چې تر دې وړاندې هم په بېلابېلو ولايتونو کې د ولسمشر د سفر پرمهال او د غونډو ځايونو ته يې نږدې توغندي لګېدلي چې له امله يې عامو خلکو ته مرګ ژوبله اوښتې ده .

Related Article

Add new comment

Advertisement

Advertisement

Etisalat Get more data, Etisalat Afghanistan

Twitter Update