Pajhwok Services

SMS News Service

Photo Service

Audio Service

Election Coverage

Special Mining Page

Afghan Peace Process Special Page

Addvertise With Pajhwok

Daily Newsletter

Language
Sending Time (GMT / Kabul time)

Suggest a Story

Pajhwok is interested in your story suggestions. Please tell us your thoughts by clicking here.

ننګرهار کې ملي امنيت د بېلابېلو جرمونو په تور ۱۲ کسان نيولي

ننګرهار کې ملي امنيت د بېلابېلو جرمونو په تور ۱۲ کسان نيولي

By
On
Jul 16, 2020 - 16:14

جلال اباد (پژواک، ۲۶ چنګاښ۹۹): د ننګرهار ولايت چارواکي وايي چې د ملي امنيت رياست مسوولينو د بېلابېلو جرمونو په تور ۱۲ کسان نيولي چې اته تنه يې وسله وال طالبان دي.

نيول شوي کسان او ترې ترلاسه شوې وسلې او مهمات د چنګاښ په ۲۶مه د ننګرهار ملي امنيت رياست په انګړ کې رسنيو ته وښودل شول.

د ننګرهار ولایت سرپرست والي تمیم عارف مومند په همدې موخه جوړ شوي خبري کنفرانس ته وویل، د ملي امنيت ځواکونو په خوږیاڼو ولسوالۍ کې د یوه سرګروپ په ګډون د وسله والو طالبانو هغه اته کسیزه ډله ونیوله چې د نورو تخریبي کړنو ترڅنګ یې شپږ تنه په کې هغه مخالفین هم شامل دي چې په وروستیو کې یې په سرحدي پوستو بريدونه ترسره کړي و.

نوموړي زیاته کړه، همدا راز د اسحاق الله په نوم یوتن انسان تښوونکی او د نصیر احمد په نوم یو بل غل چې څه موده وړاندې له بند څخه ازاد شوی وو، یو ځل بیا باالفعل نیول شوی دی.

 هغه وایي، ملي امنیت همدا راز په شینوارو ولسوالۍ کې یوه ډیپو هم کشف کړې چې مهمات او چاودېدونکې توکي ترې، تر لاسه شوي دي .

د مومند په وینا، له نیول شویو کسانو څخه دوه میله کلاشینکوفونه،یومیل بې غږه او دوه ټي ټي تومانچې ،چاودېدونکي توکې،نظامي لباسونه او یو شمېر نور توکې تر لاسه شوي او په خپلو جرمونو یې اعترافات هم کړي دي .

د نیول شویو طالبانو سرګروپ وسیع الله رسنيو سره په خبرو کې اعتراف وکړ چې ملګرو یې د بمونو په اېښودلو، دولتي پوستو باندې بریدونو او نورو کړنو کې لاس درلود .

نوموړي په خپلو کړنو پښېماني وښوده او په نورو یې هم غږ وکړ چې له ورته کړنو څخه دې ډډه وکړي .

Related Article

Add new comment

Advertisement

Advertisement

Etisalat Get more data, Etisalat Afghanistan

Twitter Update