Pajhwok Services

SMS News Service

Photo Service

Audio Service

Election Coverage

Special Mining Page

Afghan Peace Process Special Page

Addvertise With Pajhwok

Daily Newsletter

Language
Sending Time (GMT / Kabul time)

Suggest a Story

Pajhwok is interested in your story suggestions. Please tell us your thoughts by clicking here.

میدانښار کې پر یوه موټر د هوان مرمۍ لګیدو له امله یو تن وژل شوی دوه ماشومان یې ټپیان دي

میدانښار کې پر یوه موټر د هوان مرمۍ لګیدو له امله یو تن وژل شوی دوه ماشومان یې ټپیان دي

By
On
Aug 07, 2020 - 20:49

ميدانښار(پژواک، ۱۷ زمری ۹۹): د میدان وردګو ولایت میدانښار اړوند د شهرنو په سيمه کې د ملکي وګړو پر موټر د هاوان مرمۍ د لګېدو له امله يو کس وژل شوی او دوه ماشومان يې ټپيان شوي دي.

د میدان وردګو د والي ویاند محب الله شريفزي د زمري په ۱۷مه، پژواک خبري اژانس ته وویل چې نن تر غرمې وروسته شاوخوا پنځه بجې د وسله والو طالبانو پر ميدانښار څلور د هاوان توغندي راتوغولي چې ياده مرګ ژوبله يې اړولې ده.

دی زياتوي: ((د هاوان يو مرمۍ پر موټر لګېدلې چې د ميدانښار د پوهنې رياست د سواد زده ګرو مدير طارق حليم وژل شوی او دوه ماشومان يې ټپيان شوي دي.))

د ميدان وردګو د ولايتي شورا غړي شریف الله هوتک هم ياده پېښه تاييدوي او وایي: ((د څلورو اولادونو  پلار محمد طارق حلیم د ميدان وردګو ولايت د نرخ ولسوالۍ اوسېدونکی نن د بدمرغې جګړې له امله په ميدانښار کې وژل شوی .))

هغه وویل، امنيتي ځواکونو له ميدان ښار څخه د کليو او نرخ ولسوالۍ پر لوري توغولي او په مقابل کې يې طالبانو هم پر ميدانښار څلور توغندي توغولي دي.

خو د سېمې اوسېدونکي او د پېښې عيني شاهد انجنير صفي پژواک خبري اژانس ته وویل چې طارق حليم له کورنۍ سره د خپلوانو کور ته پر لار وو چې پر موټر يې د هاوان مرمۍ لګېدلې ده.

دی زياتوي، په ياده پېښه کې طارق حليم وژل شوي او دوه ماشومان زامن يې مرګوني ټپيان دي.

تردې دمه وسله والو طالبانو په دې اړه څه نه دي ويلي.

Tags: 

Related Article

Add new comment

Advertisement

Advertisement

Etisalat Get more data, Etisalat Afghanistan

Twitter Update