ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

په کندهار کې څلور ملکي وګړي ټپيان شول

په کندهار کې څلور ملکي وګړي ټپيان شول

author avatar
24 Oct 2011 - 11:02
په کندهار کې څلور ملکي وګړي ټپيان شول
author avatar
24 Oct 2011 - 11:02

کندهار ښار (پژواک ٢ لړم ٩٠): په کندهار ښار کې د يوې چاودنې له امله څلور عام وګړي ټپيان شول.

د کندهار د ولايت د مطبوعاتي دفتر مسوول زلمي ايوبي د لړم په دويمه پژواک خبري اژانس ته وويل، چې چاودنه نن سهار شاوخوا نهه نيمې بجې د ښار د نهمې ناحيې اړوند د لويې ويالې په سيمه کې د برېښنا کوټ پله ته څېرمه وشوه.

هغه زياته کړه، چې چاودېدونکي توکي په يوه موټرسايکل کې ځاى پر ځاى شوي وو، خو کله چې د پوليسو موټر له سيمې د تېرېدو په حال کې و، د ريموټ کنټرول په وسيله ورته چاودنه ورکړل شوه.

د ايوبي په وينا، چې په دې چاودنه کې درې ملکي وګړي ټپي او د درملنې په موخه ميرويس روغتون ته وړل شوي دي.

خو د ميرويس روغتون يوې سرچينې پژواک ته وويل، دوى ته څلور ټپيان وروړل شوي، چې روغتيايي حالت يې د ډاډ وړ دى.

د عبدالغني په نوم د پېښې يوه عيني شاهد پژواک اژانس ته وويل، چې چاودنه ډېره زوروره وه، خو د پوليسو موټر له چاودنې مخکې له سيمې تېر شوى و.

وسلوالو طالبانو تر اوسه په دې اړه څه نه دي ويلي.

Visits: 10

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.