ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

د فارياب د لاريون کوونکو په منځ کې يو لاسي بم وچاودېد

د فارياب د لاريون کوونکو په منځ کې يو لاسي بم وچاودېد

author avatar
23 Feb 2012 - 13:56
د فارياب د لاريون کوونکو په منځ کې يو لاسي بم وچاودېد
author avatar
23 Feb 2012 - 13:56

ميمنه ( پژواک ٤ کب ٩٠ ) : په فارياب ولايت کې د راپارېدلو لاريون کوونکو په منځ کې يو لاسي بم وچاودېد، چې مرګ ژوبله يې هم اړولې ده.

د پژواک خبريال د پېښې له سيمې خبر ورکوي، چې دغه چاودنه نن له غرمې وروسته يوه بجه او لس دقيقې د لاريون کوونکو په منځ کې رامنځته شوه.

دى وايي چې تر دې مهاله ددې لاسي بم له امله پنځه ټپيان د خلکو لخوا روغتون ته لېږدول شوي دي .

همدارنګه عيني شاهدان وايي چې دغه بم د پي آر ټي د قرارګاه له لوري د لاريون کوونکو پر لور غورځول شوى دى.

يوه عيني شاهد متين پژواک خبري اژانس ته وويل چې لاريون کوونکي دا مهال د پي آر ټي د وسايطو په پارکېنګ کې دي او د ملکي کسانو او ژباړونکو نږدې ١٢ موټر يې سوځولي دي.

هغه وويل چې لاريون کوونکو د پي آرټي زيات شمېر کانټينرو ته هم اور اچولى دى.

د پژواک خبريال وايي چې افغان امنيتي ځواکونه هڅه کوي، څو لاريون کوونکي خواره کړي او هغوى ته اجازه نه ورکوي، څو د پي آر ټي اصلي ودانۍ ته ننوځي.

د فارياب امنيتي او سيمه ييز چارواکي په دې اړه خبرو ته نه حاضرېږي.

په دې اړه نور معلومات به وروسته خپاره شي.

Visits: 2

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.