ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

څلور ماين خښوونکي ووژل شول

څلور ماين خښوونکي ووژل شول

author avatar
23 Apr 2012 - 11:58
څلور ماين خښوونکي ووژل شول
author avatar
23 Apr 2012 - 11:58

خوست ښار (پژواک ٤ غويى ٩١): امنيتي چارواکي وايي، چې د خوست په ګربزو ولسوالۍ کې د بهرنيو ځواکونو په هوايي بريد کې څلور ماين خښوونکي وژل شوي او يو ټپي دى.

د خوست امنيه قوماندان مل پاسوال سردارمحمد ځاځي د غويي په ٤مه پژواک اژانس ته وويل، چې تېره شپه شاوخوا لس بجې د ګربزو ولسوالۍ په بوريخېلو سيمه کې د بهرنيو ځواکونو په هوايي بريد کې څلور ماين خښوونکي وژل شوي او يو ټپي دى.

د هغه په وينا، ماين خښوونکو غوښتل چې په دغې سيمه کې د افغان او بهرنيو ځواکونو موټرو ته ماينونه خښ کړي.

نوموړي زياته کړه، چې د وژل شوو ماين خښوونکو مړي د پوليسو له خوا د ګربزو ولسوالۍ ته وړل شوي او ټپي يې بهرنيو ځواکونو وړى دى.

امنيه قوماندان وايي، چې د وژل شوو ماين خښوونکو هويت تر اوسه نه دى څرګند، خو په اړه يې پلټنې روانې دي.

د سيمې اوسېدونکي ضياالله پژواک اژانس ته وويل، چې د دوى په سيمه کې بېګا شپه چورلکو ناڅاپي ډزې پيل کړې او وروسته سيمې ته امنيتي ځواکونه راغلل.

د ده په خبره، سهار خبر شول چې په ياده سيمه کې يې ماين خښوونکي وژلي، خو هغه د وژل شوو په اړه معلومات نه درلودل.

ايساف ځواکونو او وسلوالو طالبانو په دې اړه تر اوسه څه نه دي ويلي.

Visits: 2

ورته موضوع

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.