ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

په کونړ کې د بهرنيو اتباعو په ګډون ١٢ وسلوال طالبان ووژل شول

په کونړ کې د بهرنيو اتباعو په ګډون ١٢ وسلوال طالبان ووژل شول

author avatar
19 Aug 2012 - 11:49
په کونړ کې د بهرنيو اتباعو په ګډون ١٢ وسلوال طالبان ووژل شول
author avatar
19 Aug 2012 - 11:49

 اسعداباد (پژواک ، ٢٩ زمرى ٩١) : د کونړ ولايت سيمه ييز چارواکي د دې ولايت په وټه پور ولسوالۍ کې د شپږو بهرنيو اتباعو په ګډون د ١٢ وسلوالو طالبانو د وژلو خبر ورکوي .

 د کونړ والي سيدفضل الله وحيدي نن (د زمري په ٢٩مه ) پژواک اژانس ته وويل ، چې دغه کسان د وټه پور ولسوالۍ د څانګار په سيمه د ايساف ځواکونو د هوايي بريد په ترڅ ووژل شول .

 ده وويل ، چې په وژل شويو وسلوالو کې څلور پاکستانيان ، دوه عربان او يو سيمه ييز طالبان قوماندان ناصر شامل دي .

د والي په خبره ، چې يادې ډلې پر وټه پور ولسوالۍ د بريد پلان درلود.

د ايساف ځواکونو او وسلوالو طالبانو تراوسه پورې په دې اړه څه نه دي ويلي .

بلخوا نن ( د زمري په ٢٩ مه ) پاکستانيو ځواکونو يوځل بيل پر دانګام ولسوالۍ ٥٥ توغندي توغولي دي .

 د کونړ والي وويل ، چې پاکستانيو ځواکونو د يادې ولسوالۍ پر بيلابيلو سيمو نن توغندي وتوغول ، چې ځاني زيان نلري ، خو خلکو ته يې مالي زيان اړولى دى .

ده وويل، چې د يادو بريدونو له امله يو زيات شمير کورنۍ بې ځايه شوې دي.

د ياد ولايت د چارواکيو په وينا، د روان کال له پيل راهيسې د کونړ پر بيلابيلو ولسواليو د توغول شويو توغنديو له امله لږ تر لږه ١٠ تنه وژل شوي ، له ٣٠ زيات ټپيان دي او ١٤٠٠ کورنۍ بې ځايه شوې دي .

Visits: 0

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.