د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

په کندوز کې د وژل شوو شمېر ١٦ تنو ته ورسېد

په کندوز کې د وژل شوو شمېر ١٦ تنو ته ورسېد

Sep 10, 2012 - 15:42

کندوز (پژواک ٢٠ وږى ٩١): په کندوز ښار کې د ځانمرګي بريد له امله د ملکي کسانو په ګډون ١٦ تنه وژل شوي او ٣٠ نور ټپيان دي.

دغه ځانمرګى بريد نن (د وږي ٢٠مه) له غرمې وروسته درې بجې او ١٥ دقيقې د کندوز ښار په مرکزي چوک کې رامنځته شو.

د کندوز د امنيه قوماندانۍ د امنيت آمر سمونوال غلام محمد فرهاد پژواک خبري اژانس ته وويل، چې په دې پېښه کې د عامه نظم ١٠ پوليس او شپږ ملکي کسان وژل شوي او د يوې ښځې او يوه ماشوم په ګډون يو شمېر نور ټپيان شوي دي.

هغه زياته کړه، چې ټاکل شوې وه نن يو لاريون ترسره شي، امنيتي ځواکونه د کندوز ښار په چوک کې د لاريون کوونکو د امنيت لپاره ګومارل شوي وو، چې ځانمرګى بريد پرې وشو.

فرهاد د لاريون د څرنګوالي په اړه معلومات ورنه کړل او ويې ويل، چې په ټپيانو کې د سيمې دوکانداران او لارويان شامل دي او کېداى شي د مرګ ژوبلې شمېر له دې هم زيات وي.

د کندوز د عامې روغتيا سرپرست ډاکټر داوود اکبري نن مازيګر پژواک خبري اژانس ته وويل، چې تر اوسه له يادې پېښې ١٦ مړي او ٣٠ ټپيان حوزوي روغتون او په کندوز کې د بې پولو ډاکټرانو ايمرجنسي روغتون ته لېږدول شوي دي.

هغه زياته کړه، چې په وژل شوو او ټپيانو کې ملکي او نظامي کسان شامل دي، خو د يو شمېر ټپيانو روغتيايي وضعيت خراب دى.

سيمه ييز چارواکي د دغه بريد پړه پر وسلوالو طالبانو اچوي، خو طالبانو تر اوسه په دې اړه څه نه دي ويلي.

ورته راپورونه:

نظر ورکړئ

اعلانونه

Advertisement