ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

د بهرنيو ځواکونو له موټر سره په ترافيکي پېښه کې درې تنه مړه شول

د بهرنيو ځواکونو له موټر سره په ترافيکي پېښه کې درې تنه مړه شول

author avatar
22 Sep 2012 - 14:01
د بهرنيو ځواکونو له موټر سره په ترافيکي پېښه کې درې تنه مړه شول
author avatar
22 Sep 2012 - 14:01

جلال اباد (پژواک، د تلې لومړۍ نېټه ٩١): د ننګرهار په بهسودو ولسوالۍ کې د بهرنيو ځواکونو د يو موټر او موټرسايکل د ټکر له امله څلورو تنو ته مرګ ژوبله اوښتې ده.
د ننګرهار د والي وياند احمدضيا عبدالزي د تلې په لومړۍ نېټه پژواک اژانس ته وويل، چې تېر مازيګر د بهسودو ولسوالۍ په بلندغر سيمه کې د بهرنيو ځواکونو موټر له يوه موټرسايکل سره ټکر کړى، چې له امله يې دوه تنه مړه او دوه نور ټپيان دي.
د هغه په وينا، پر ياد موټرسايکل څلور تنه سپاره وو، چې د بهرنيو ځواکونو له موټر سره يې ټکر وکړ او له امله يې دغه مرګ ژوبله رامنځ ته شوه.
نوموړي زياته کړه، چې د دې پېښې په اړه پوليس څېړنه کوي، چې سرغړونه د چا له خوا شوې ده.
په ختيځ کې د بهرنيو ځواکونو مطبوعاتي دفتر پژواک اژانس ته د پېښې د پخلي ترڅنګ د ملکي وګړو په مرګ ژوبله خواشيني څرګنده کړه.
ويل کېږي، چې په موټرسايکل سپاره ياد څلور تنه د همدغې ولسوالۍ اوسېدونکي وو.
د ننګرهار د عامې روغتيا مرستيال ډاکټر سيد افندي پژواک اژانس ته وويل، چې تېر ماښام له يادې پېښې دوه مړي او دوه ټپيان ور وړل شوي، خو وايي، چې يوه ټپي په روغتون کې ساه ورکړې او بل له لومړنۍ درملنې وروسته پېښور ته ولېږدول شو.

Visits: 7

ورته موضوع

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.