د پژواک خدمتونه

د انځورونو څانګه

غږيزه څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

طالبانو په غزني کې د پاڅون کوونکو په نوم څلور تنه نيولي

امنیت او جرمونه

د ارشیف عکس

طالبانو په غزني کې د پاڅون کوونکو په نوم څلور تنه نيولي

Sep 27, 2012 - 17:27

غزني ښار (پژواک ۶ تله ۹۱): وسلوال طالبان وايي، چې د غزني ولايت اته پاڅون کوونکي يې نيولي دي، خو د پاڅونيانو مشر وايي، چې طالبانو څلور عام وګړي نيولي دي.

د غزني په اندړو ولسوالۍ کي د ولسي پاڅون قوماندان فيضان الله فيضان د تلې په ٦مه پژواک خبري اژانس ته وويل، چې وسلوالو طالبانو نن غرمه مهال د اندړو ولسوالۍ څلور عام اوسېدونکي پر لويه لاره له موټره ښکته کړي او له ځان سره يې بيولي دي.

د هغه په وينا، وسلوالو طالبانو دغه کسان له دې امله له موټره ښکته کړي، چې ګواګې دغه کسان د ولسي پاڅون غړي دي.

فيضان زياته کړه، چې دغه عام وګړي دي او له ولسي پاڅون کوونکو سره هېڅ ډول اړيکې نه لري.

خو وسلوال طالبان بيا وايي، چې نيول شوي اربکيان دي او د دوى له خوا غزني ښار ته نږدې نيول شوي دي.

طالب وياند ذبيح الله مجاهد وويل، چې نيول شوو کسانو پر خپل اربکيتوب اعتراف کړى دى.

نوموړى وايي، چې دوى سره به د شرعي له مخې چلند وشي.

د يادونې ده، چې وسلوال طالبان د اندړو پاڅون کوونکو ته اربکيان وايي او له تېرو څو مياشتو راهيسې د دواړو ډلو ترمنځ نښتې روانې دي. 

نښه: 

ورته راپورونه:

نظر ورکړئ

اعلانونه

Advertisement

Etisalat Get more data, Etisalat Afghanistan