ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

په غزني کې يو تن د جاسوسۍ په تور ووژل شو

په غزني کې يو تن د جاسوسۍ په تور ووژل شو

author avatar
18 Nov 2012 - 10:49
په غزني کې يو تن د جاسوسۍ په تور ووژل شو
author avatar
18 Nov 2012 - 10:49

غزني ښار (پژواک ۲۸ لړم ۹۱): د غزني په ده يک ولسوالۍ کې وسلوالو طالبانو يو تن د جاسوسۍ په تور وواژه او دوه وسلوال طالبان په يو نښته کې ټپيان شوي دي.

د غزني د ده يک ولسوالۍ امنيه قوماندان فيض توپان د لړم په ٢٨مه پژواک اژانس ته وويل، چې تېره ورځ ناوخته وسلوالو طالبانو يو ملکي کس د دې ولسوالۍ په لغباد سيمه کې دولت ته د جاسوسۍ په تور وژلى دى.

د هغه په وينا، وژل شوي کس له دولت سره هېڅ ډول همکاري نه درلوده او د سيمې عام وګړى و.

امنيه قوماندان دغه راز وايي، چې د دوى ځواکونو پرون د يادې ولسوالۍ په ده يک کلي کې له وسلوالو طالبانو سره نښته وکړه، چې په ترڅ کې يې دوه وسلوال طالبان ټپيان شول.

د ده په خبره، په دې پېښه کې د دوى ځواکونو او ملکي وګړو ته زيان نه دى اوښتى.

خو عيني شاهدان وايي، چې وژل شوى کس د پوليسو او وسلوالو طالبانو ترمنځ د نښتې په ترڅ کې ووژل شو.

د لغباد سيمې يوه اوسېدونکي فيض محمد پژواک اژانس ته وويل: ((پرون ناوخته زموږ په کلي کې د ملي اردو، ملي پوليسو او طالبانو ترمنځ نښته رامنځ ته شوه، خو کله چې محمدابراهيم له خپل باغ څخه د سون لرګي کور ته وړل، په ډزو ولګېد او ځاى پر ځاى ووژل شو.))

وسلوالو طالبانو د يادو پېښو په اړه څه نه دي ويلي، خو ذبيح الله مجاهد وايي، چې د غزني په اندړو ولسوالۍ کې يې د ملي امنيت دوه کارکوونکي وژلي دي.

Visits: 3

ورته موضوع

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.