د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

ملالۍ بهادري ته د زړورتيا جايزه ورکړل شوه

ملالۍ بهادري ته د زړورتيا جايزه ورکړل شوه

Mar 09, 2013 - 13:15

واشنګټن (پژواک ١٩ کب ٩١): د امريکا د ولسمشر مېرمن مېشل اوباما او د بهرنيو چارو وزير جان کيري د ښځو د نړيوالې ورځې په مناسبت افغان مېرمنې ملالۍ بهادري ته د زړورتيا جايزه ورکړه.

د امريکا د بهرنيو چارو وزارت هر کال د نړۍ يو شمېر ښځو ته، چې د ښځو  د حقونو په برخه کې يې د پام وړ فعاليتونه کړي وي، د زړورتيا جايزه ورکوي.

د دې جايزې لپاره هغه مېرمنې ټاکل کېږي، چې په دې برخه کې يې ځانګړې بهادري او مېړنتوب ښودلى وي او د ښځو د حقونو لپاره يې ډېره مبارزه او خپل ژوند يې په خطر کې اچولى وي.

د دې جايزې لپاره، په ټاکل شوو لسو مېرمنو کې، له افغانستان څخه ملالۍ بهادري هم شامله کړاى شوې ده.

پرون په واشنګټن کې د امريکا په بهرنيو چارو وزارت کې د يو لړ مراسمو په ترڅ کې دغو ښځو ته جايزې ورکړل شوې.

د امريکا د ولسمشر بارک اوباما د ښځې مېرمن مېشل اوباما او د دغه هېواد د بهرنيو چارو وزير جان کيري له خوا مېرمن ملالۍ بهادري ته دغه جايزه ورکړل شوه.

دويمه بريدمنه ملالۍ بهادري د افغان ملي پوليسو د نشه يي توکو پر وړاندې د مبارزې د څانګې له لومړنيو ښځينه غړو څخه ده، چې اوس هم په ياده برخه کې دنده ترسره کوي او د زړورتيا په خاطر د دې جايزې لپاره نومول شوې وه.

د بهرنيو چارو وزير ملالۍ ته د جايزې تر ورکولو وړاندې وويل: ((په افغانستان کې د نشه يي توکو ضد د قانون د تنفيذ او د روزنې په برخه کې د زړورتيا او مېړانې لپاره؛ د افغانستان د نشه يي توکو  ضد د ملي پوليسو لومړنۍ ښځينه ساتنمنه ملالۍ بهادري د زړورې ښځې په توګه اعلانوو.))

ورته راپورونه:

نظر ورکړئ

اعلانونه

Advertisement