د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

خوست کې د ايساف هوايي بريد ٢٠ وسله وال وژلي

خوست کې د ايساف هوايي بريد ٢٠ وسله وال وژلي

Jul 03, 2013 - 11:35

خوست (پژواک ١٢ چنګاښ ٩٢): چارواکي وايي، چې په خوست کې د ايساف هوايي بريدونو ٢٠ وسله وال وژلي او نهه نور يې ټپيان کړي دي.

په خوست کې د ٢٠٣ تندر قول اردو د لومړۍ پلې لوا د رسنيو دفتر د چنګاښ په ١٢مه پژواک اژانس ته وويل، چې دغه هوايي بريدونه تېره شپه د موسى خېلو ولسوالۍ په کوسين او شخل سيمو کې شوي دي.

د سرچينې د معلوماتو له مخې، چې د کوسين سيمې په بريد کې ١٦ وسله وال وژل شوي او ٣ نور ټپيان دي، دغه راز د شخل سيمې په بريد کې ٤ وسله وال وژل شوي او ٦ نور ټپيان دي.

سرچينه زياتوي، چې طالبانو غوښتل په سيمه کې د ملي اردو پر امنيتي پوستو بريد وکړي، خو د کشفي راپور پر اساس مخکې له دې چې خپل پلان عملي کړي تر هوايي بريد لاندې راغلل.

د شخل سيمې يوه اوسېدونکي او عيني شاهد د نوم نه ښودلو په شرط پژواک ته وويل، چې په دغه هوايي بريد کې د دوى د سيمې ٤ وسله وال وژل شوي دي.

هغه زياتوي، چې تېره شپه ناڅاپه د الوتکو غږ شو او ورسره يې څو ځايه بمونه وغورځول، خلک سخت ووېرېدل، خو سهار معلومه شوه، چې د الوتکو په بمبار کې وسله وال طالبان وژل شوي دي.

طالب وياند ذبيح الله مجاهد د شخل پېښه تاييد کړې او وايي، چې په ياد هوايي بريد کې د دوى ملګري نه، بلکې ٤ ملکي وګړي وژل شوي دي.

ورته راپورونه:

نظر ورکړئ

اعلانونه

Advertisement