ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

په اندړو کې د طالبانو د ماين چاودنې جومات ړنګ کړ

author avatar
7 Jul 2013 - 12:31
author avatar
7 Jul 2013 - 12:31

غزني (پژواک ١٦ چنګاښ ٩٢): چارواکي وايي، چې د وسله والو طالبانو له لوري د غزني د اندړو ولسوالۍ په يوه جومات کې اېښودل شوو چاودېدونکو توکو چاودنه کړې، چې له امله يې جومات  نړېدلى او څلور تنه ټپيان شوي دي.

د اندړو ولسوال قاسم ديسي وال د چنګاښ په ١٦مه پژواک اژانس ته وويل، چې دغه پېښه تېره شپه د لغړو په کلي کې رامنځ ته شوې ده.

نوموړى وايي، چې د دې پېښې په غبرګون د کلي سلګونه خلک، ځوانان او سپين ږيري د طالبانو خلاف لاريون ته راوتلي دي.

د يادونې ده، شاوخوا دوه مياشتې مخکې هم د دې ولسوالۍ په يوه جومات کې د طالبانو د چاودېدونکو توکو د چاودنې له امله وسله والو او کليوالو ته مرګ ژوبله اوښتې وه.

د اندړو ولسوالۍ د غزني ښار سوېل ته په ٣٠ کيلومترۍ کې پرته ده او تېر کال يې خلکو د طالبانو پر ضد پاڅون وکړ.

تر اوسه په دې اړه وسله والو طالبانو څه نه دي ويلي.

Visits: 1

ورته موضوع

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.