د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

نبيل د ملي امنيت سرپرست وټاکل شو

نبيل د ملي امنيت سرپرست وټاکل شو

Aug 31, 2013 - 11:54

کابل (پژواک ٩ وږى ٩٢): د ملي امنيت شورا مرستيال رحمت الله نبيل د ملي امنيت د عمومي رياست د سرپرست په توګه وټاکل شو.

د هغې خبرپاڼې له مخې، چې د چارو ادارې د اطلاعاتو رياست له خوا پژواک خبري اژانس ته را رسېدلې راغلي، چې رحمت الله نبيل د اساسي قانون د ٦٤مې مادې د ١١مې فقرې او د ملي امنيت د چارو د پر مخکې وړو له منلو سره سم او د ولسمشر په منظورۍ د ملي امنيت د سرپرست په توګه  ټاکل شوى دى.

نبيل د ١٣٨٩ لمريز کال په چنګاښ مياشت کې د ولسمشر د فرمان له مخې، د ملي امنيت د عمومي رييس په توګه وټاکل شو او د ١٣٩٠ لمريز کال د ليندۍ په پنځمه وتوانېد، چې د ولسي جرګې د باور رايه ترلاسه کړي.

خو نوموړى څه وخت وړاندې د ولسمشر د يوه امر له مخې له دندې لرې  او د ملي امنيت شورا د دويم مرستيال په توګه پر دنده وګومارل شو.

د ولسمشر له خوا د ده لرې کولو د ولسي جرګې غبرګون  له ځان سره درلود.

د ولسي جرګې يو شمېر غړو هغه مهال ويل، چې ولسمشر د رحمت الله نبيل د لرې کولو تصميم  د پاکستان د څارګرې ادارې د فشار له امله نيولى دى.

د نبيل له لرې کولو وروسته اسدالله خالد د ولسمشر کرزي له لوري دغه پست ته ور وپېژندل شو او په دې توانېد، چې له ولسي جرګې د باور رايه واخلي.

خو وروسته له هغه چې اسدالله خالد تېر کال په ليندۍ مياشت کې په يوه ځانمرګي بريد کې ټپي شو، نو د ملي امنيت چارې د دې ادارې  د مرستيال  له خوا سمبالېدې.

 

ورته راپورونه:

نظر ورکړئ

اعلانونه

Advertisement