د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

فارياب کې د ګاز ډبو چادونو مرګ ژوبله واړوله

فارياب کې د ګاز ډبو چادونو مرګ ژوبله واړوله

Sep 06, 2013 - 17:06

ميمنه (پژواک ١٥وږى٩٢): په فارياب کې د ګاز ډبو د چاودنو په دوو بېلابېلو پېښو کې  يو ماشوم مړ شوى او څلور کسان ټپيان شوي دي .

د ګاز ډبې  لومړۍ چاودنه د فارياب د مرکز ميمنې ښار د ګذر تنورک سيمې په يوه کور کې شوې ده .

د يادې سيمې يوه اوسېدونکي وحيدالله پژواک خبري اژانس ته وويل، چې د ګاونډي په کور کې يې دغه چاودنه نن رامنځته شوه او له امله يې يو څلور مياشتنى ماشوم په زانګو کې د اور لمبو ايره کړى دى .

هغه وويل، چې د دې کور ډېر وسايل هم سوځېدلي ، خو په پېښه  نور چا ته مرګ ژوبله نه ده اوښتې.

بلخوا ددې ولايت د قيصار ولسوال عبدالجميل صديقي وايي،چې نن د ميمنې-هرات  پر لويه لاره هم  د سړک جوړونې د يوه شرکت د ساتونکو په اشپزخانه کې د ګاز ډبه چاودلې ده .

صديقي وايي ،چې په دې پېښه کې اشپز، د اشپز مرستيال او دوه نور کارکوونکي ټپيان شوي دي.

دده په خبره،په دې اشپرخامه کې  لومړى  د ګاز يوه ډبه د هوا د ګرم والي له امله چاودلې او  وروسته ورسره نږدې درېيو نورو ډبو هم  اور اخستى او چاودېدلي دي .

د ميمنې د افغان-ترک روغتون د بېړنۍ برخې د څانګې موظف ډاکټر بابر شاه انتظار پژواک خبري اژانس  ته وويل چې د ټپيانو له ډلې د دوو تنو حالت د اندښنې وړ دى .

د پېښې يوه ټپي محمد عارف ،چې د اشپز مرستيال دى، پژواک ته وويل ، چې که څه هم تر چاودنې وروسته له کوټې څخه په بېړه ووتل ،خو د اور لمبو ټپيان کړل .

شاوخوا څلور مياشتې مخکې هم د فارياب پوهنتون په ليليه کې د ګاز د دوو ډبو په چاودنه کې ١٨ محصلين ټپيان شول.

نښه: 

ورته راپورونه:

نظر ورکړئ

اعلانونه

Advertisement