د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

فارياب کې يوه خاوند خپله ښځه ووژله

فارياب کې يوه خاوند خپله ښځه ووژله

Jan 04, 2014 - 15:48

ميمنه (پژواک ١٤ مرغومى ٩٢): د يوې ښځې په وژل کېدو سره سږ کال په فارياب ولايت کې د ښځو او نجونو د وژنې پېښې ١١ ته ورسېدې.

د فارياب امنيه قوماندان پاسوال نبي جان ملاخېل وايي، چې تېره شپه د فارياب په مرکز ميمنې ښار کې يوه ښځه د خاوند له له خوا پر ډزو وژل شوې ده.

هغه پژواک خبري اژانس ته وويل، بريد کوونکي خواښې او اوښى هم ټپيان کړي، خو هغوى  روغتون وړل شوي او روغتيايي حالت يې ښه دى.

ملاخېل د ياد قتل لامل کورنى تاوتريخوالى په ګوته کړ او زياته يې کړه، چې بريد کوونکى نيول شوى او قضيه تر پلټنواو څېړونو لاندې ده.

دروان کال په ترڅ کې دا د ښځو او نجونو د قتل يوولسمه پېښه ده چې د دغه ولايت د بشري حقونو خپلواک کمېسيون په دفتر کې ثبت شوې دي.

د فارياب ولايت د بشري حقونو خپلواک کمېسيون د ولايتي دفتر مشر سيد حفيظ الله فطرت د يادې پېښې د غندلو تر څنګ وويل، چې د فارياب په ډېرو سيمو کې ورته پېښې را منځ ته شوې؛ خو د بېلابېلو لاملونوپر بنسټ يې چا عدالت غوښتنې ته مراجعه نه ده کړې.

هغه له عدلي او قضايي بنسټونو وغوښتل، چې د يادو وژنو عاملين، له قانون سره سم مجازات کړي.

نښه: 

ورته راپورونه:

نظر ورکړئ

اعلانونه

Advertisement