کابل (پژواک ٢٤ کب ٩٢): د ميدان وردګو چارواکي وايي، چې په دغه ولايت کې د ماين چاودنې پنځو پوليسو ته مرګ وژبله اړولې ده.
د ياد ولايت امنيه قوماندان احمدفهيم قايم د کب په ٢٤مه پژواک خبري اژانس ته وويل، چې نن سهار شاوخوا نهه بجې د غزني د پوليسو اړوند يو رينجر موټر، چې دغه ولايت ته پر لاره و، د ميدان وردګو په سيداباد ولسوالۍ کې پرې د سړک غاړې ماين چاودنه وشوه.
قايم وايي، چې په دې ېېښه کې پنځه پوليس ټپيان شوي دي.
بلخوا د ميدان وردګو د والي وياند عطا الله خوږياڼي پژواک ته وويل، چې دغه پېښه د سيداباد ولسوالۍ د هفت اسياب په سيمه کې رامنځته شوې، چې په کې ٢ پوليس وژل شوي او درې نور ټپيان دي.
نوموړى وايي، دغه پوليسو په يوه رينجر موټر کې سپار وو او غزني ولايت ته تلل.
په ورته مهال د غزني د والي وياند شفيق ننګ پژواک ته د دې پېښې پخلى وکړ.
ننګ وايي، چې په دې پېښه کې دوه پوليس وژل شوي او درې نور ټپيان دي.
د يادې پېښې مسووليت تر اوسه چا پر غاړه نه دى اخيستى.
Visits: 0
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن