کلات (پژواک، ١١ ورى ٩٣): امنيتي ځواکونو د زابل ولايت د ولايتي شورا يو کانديد نيولى او بندي کړى يې دى.
د دغه ولايت امنيه قوماندان مل پاسوال غلام سخي روغ لېوني د وري په ١١مه پژواک خبري اژانس ته وويل، چې نيول شوى کانديد محمديعقوب نومېږي.
هغه زياته کړه، چې نوموړى د يوې حقوقي مسئلې په تړاو نيول شوى او دوسيه يې تر څېړنو لاندې ده.
د دغه ولايت يوې بلې سرچينې پژواک ته وويل ، چې يعقوب سيوري وال د ملي امنيت د منسوبينو له خوا نيول شوى دى.
پژواک هڅه وکړه، چې په دې اړه له يعقوب او يا هم د هغه له کورنۍ سره خبرې وکړې، خو ونه توانېد.
Visits: 0
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن