کابل ( پژواک ١٦ ورى ٩٣): د ټاکنو خپلواک کمېسيون د ولسمشرۍ او ولايتي شوراګانو د ټاکنو وخت يو ساعت ( له غرمې وروسته تر پنځو بجو ) وغځاوه .
ټاکل شوې وه، چې ټاکنې نن د سهار له ٧ بجو تر څلورو بجو روانې وي.
خو د ټاکنو خپلواک کمېسيون مشر احمديوسف نورستاني خبريالانو ته وويل، له دې امله ټاکنې يو ساعت وغځول شوې، چې سهار د رايې ورکولو په ځينو مرکزونو کې يو څه ناوخته پيل شوې.
ډاکټر اشرف غني احمدزى، ډاکټرعبدالله عبدالله، زلمى رسول ،قطب الدين هلال ، عبدرب الرسول سياف، هدايت امين ارسلا ، محمد شفيق ګل اغا شيرزى او داود سلطانزوى د ولسمشرۍ کانديدان دي او د ولايتي شوراګانو لپاره شاخوا ٢٦٠٠ تنو ځانونه کانديد کړي دي .
په هېواد کې شاوخوا ٢١ ميليونه د رايې ورکولو کارتونه وېشل شوي دي .
Visits: 0
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن