ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

د انسان تښتوونکو دوه ډلې نيول شوې دي

د انسان تښتوونکو دوه ډلې نيول شوې دي

author avatar
2 Apr 2015 - 14:23
د انسان تښتوونکو دوه ډلې نيول شوې دي
author avatar
2 Apr 2015 - 14:23

کابل-چاريکار (پژواک، ١٣ ورى ٩٤): په هرات او ننګرهار کې د انسان تښتوونکو دوه ډلې نيول شوې، دوه ماشومان د تښتوونکو له بنده را خوشي شوي بلخوا وسله والو په پروان کې يو کس وژلى دى.

د ملي امنيت رياست له خوا نن پژواک خبري اژانس ته په يوه را استول شوې خبرپاڼه کې ويل شوي چې د تښتوونکو په يادو دوو ډلو کې پنځه کسان دي.

د سرچينې په خبرې، دغه رياست يو کوچنى ماشوم هم د تښتوونکو له منګولو ژغورلى او د هغه کورنۍ ته يې سپارلى دى.

د ملي امنيت رياست وايي چې په يو لړ نورو عملياتو کې يې د هرات ولايت د ١٤مې ناحيې له مربوطاتو ګڼ شمېر وسلې، مهمات او پوځي درمل ترلاسه کړي دي، د سرچينې په خبره، وسله والو مخالفينو هڅه کوله چې دا مهمات په بريدونو او د سړک غاړې په ماينونو کې وکاروي.

د يوه بل خبر له مخې، د پروان په بګرام ولسوالۍ کې يو کس د ناپېژانده وسله والو له خوا وژل شوى دى.

د يادې ولسوالۍ امنيه قوماندان محمد معصوم فرزه يي پژواک ته وويل چې دغه کس تېره شپه په دولت شاهي سيمه کې د خوب به بستره کې وژل شوى دى.

هغه زياته کړه چې وژل شوى کس د حاجي بشير په نوم قومي مخور موټر چلوونکى و او د هغه په کور کې وژل شوى دى.

قوماندان وويل چې تر اوسه د وژنې اصلي لامل نه دى څرګند، خو پوليسو يې د عاملينو په اړه څېړنې پيل کړې دي.

Visits: 0

ورته موضوع

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.