کلات ( پژواک، ٥ غويى ٩٤ ) : د کابل – کندهار پر لويه لا ره د ترافيکي پېښې له امله دوه تنه مړه او ١٤ نور ژوبل شوي دي.
دا پېښه نن د غويي په ٥مه، د يادې لويې لارې په اوږدو کې د زابل ولايت په شهر صفا ولسوالۍ کې رامنځته شوې ده.
د زابل د ترافيکو مدير سمونوال عبدالاحمد پژواک خبري اژانس ته وويل چې د ملي اردو د کاروان يو موټر له تونس موټر سره جنګېدلى و.
هغه زياته کړه، چې په دې پېښه کې د تونس موټر دوه تنه مړه او ١٤ نور ژوبل شوي دي.
دى وايي چې ټپيان د پوليسو لخوا د کندهار روغتون ته لېږدول شوي دي.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن