اسعداباد (پژواک، ١٠ غويى ٩٤): د کونړ امنيتي چارواکي وايي چې طالبانو په دانګام ولسوالۍ کې د يوه ښوونځي دوه ښوونکي پر ډزو وژلي دي.
د کونړ امنيه مل پاسوال عبدالحبيب سيدخېل وايي چې طالبان نن شاوخوا ١١ بجې د يادې ولسوالۍ په بېداد سيمه کې ښوونځي ته ننوتل او دوه ښوونکي يې بوتلل.
سيدخېل وايي چې طالبانو دا ښوونکي د ښوونځي په ٥٠٠ مترۍ کې پر ډزو وژلي دي.
د هغه په خبره، امنيتي سرتېرو د ښوونکو د وژونکو له ډلې يو تن په جګړه کې وژلى دى.
امنيه قوماندان زياتوي، تر اوسه د ښوونکو د وژنې انګېزه څرګنده نه ده. طالبانو هم په دې اړه څه نه دي ويلي.
د بېداد غرنۍ سيمه د دانګام ولسوالۍ په دوه کيلومترۍ کې پرته ده.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن