کابل ( پژواک، ٢٢ زمرى ٩٤ ) : په نيپال کې د سارک هېوادونو د فوټبال له ١٩ کلونو څخه د کم عمره لوبغاړو سياليو کې افغانستان مالديپ ته ماتې ورکړه.
د افغانستان د فوټبال فدراسيون وياند سيد علي کاظمي د زمري په ٢٢مه، پژواک خبري اژانس ته وويل چې دا سيالۍ پرون په نيپال پيل کې شوې دي.
هغه زياته کړه، چې په دې سياليو کې د سارک سازمان د شپږو هېوادونو لوبډلې برخه اخيستې چې په دوو ګروپونو وېشل شوې دي.
کاظمي وويل چې په الف ګروپ کې نيپال، بنګله دېش او بوتان او په ب ګروپ کې افغانستان، هندوستان او د مالديپ لوبډلې شاملې دي.
د نوموړي په وينا، افغانستان پرون په خپله لومړۍ لوبه کې مالديپ لوبډلې ته څلور پر دوه ګولونو ماتې ورکړه.
افغانستان به خپله دويمه لوبه سبا د نيپال پر وړاندې ترسره کوي.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن