د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د شبرغان ښاروالۍ د تنظيف مديريت پنځه کارکوونکي تښتول شوي

د شبرغان ښاروالۍ د تنظيف مديريت پنځه کارکوونکي تښتول شوي

Aug 17, 2015 - 15:32

شبرغان (پژواک، ٢٦ زمرى ٩٤): د دولت وسله والو مخالفينو د شبرغان ښاروالۍ د تنظيف رياست پنځه کارکوونکي له يو موټر سره د دغه ښار له څنډو تښتولي دي.

د جوزجان د امنيې قوماندانۍ د امنيت امر سمونوال عبدالحفيظ خاشي وويل چې امنيتي ځواکونو دا موضوع تعقيب کړې ده خو تر اوسه يې مطلوبې پايلې نه دې ترلاسه کړې.

د هغه په وينا، دا پېښه نن (د زمري٢٦مه) غرمه مهال د شبرغان ښار لوېديځ لور ته اووه کليومتره لرې د خراسان پول په سيمه کې هغه مهال رامنځ ته شوه چې د ښاروالۍ د تنظيف مديريت څلور کارکوونکي له يو موټر چلوونکي سره له ښاره د خځلو لېږدولو په حال کې وو.

نوموړي وويل: "موږ د پلټنې عمليات د پېښې په ځاى کې پيل کړي دي څو په دې قضيه کې ښکېل کسان پيدا کړو او ونيسو او دغه عمليات به تر هغه وخت پورې دوام ومومي څو د دې واقعې عاملين ونيسي."

همدا راز انجينر محمدحسين صالح د شبرغان ښاروال پژواک خبري اژانس ته تاييد کړه چې وسله والو له ليلي دښتې سره جوخت د خراسان پول ته څېرمه د ښاروالۍ د تنظيف مديريت څلور کارکوونکي له يو موټروان سره تښتولي دي.

د هغه په وينا، له دې پېښې سره سم  يې په بېړه امنيتي ارګانونه خبر کړي او د همکارۍ غوښتنه يې ترې کړې ده.

وسله والو تر اوسه د دې پېښې په اړه څه نه دي ويلي.

دا په داسې حال کې ده چې وسله والو مخالفينو کابو دوه مياشتې وړاندې د سړک جوړونې د يوه شرکت څلور کارکوونکي له موټرو سره له همدې سيمې تښتولي وو، خو وروسته بيا د قومي مشرانو او سپين ږيرو په منځګړتوب راخوشي شول.

ورته راپورونه:

اعلانونه

Advertisement