د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

کورنيو چارو وزارت : راغستان کې مو ٣٠وسله وال طالبان وژلي

کورنيو چارو وزارت : راغستان کې مو ٣٠وسله وال طالبان وژلي

Sep 11, 2015 - 16:24

فيض اباد (پژواک، ۲۰وږى۹۴): د کورنيو چارو وزارت وايي چې د بدخشان په راغستان ولسوالۍ کې يې د پنځو قوماندانانو په ګډون ٣٠وسله وال طالبان وژلي دي.

 په  هغه خبرپاڼه کې چې د کورنيو چارو وزارت له لوري پژواک اژانس ته را رسېدلې راغلي چې په راغستان کې د وسله والو د له منځه وړلو په موخه عمليات پيل شوي دي.

سرچينه وايي چې ددې عملياتو په ترڅ کې تراوسه د پنځو قوماندانانو ملا مقتدر، مولوي حجت، مولوي عبدالله، مولوي تاجکستاني او ملا وزیر ګل په ګډون ٣٠ وسله ال وژل شوي دي .

خبرپاڼه وايي چې په دې عملياتو کې پنځه امنيتي سرتېري وژل  او اته نور ټپيان دي.

د کورنيو چارو وزارت په داسې کې په راغستان کې د ٣٠ وسله والو د وژلو خبر ورکوي  چې  د بدخشان چارواکي وايي، سلګونو وسله والو طالبانو نن سهار وخته د دغه ولايت په راغستان ولسوالۍ بريد کړى او د ولسوالۍ نيمه برخه يې نيولې ده .

 د بدخشان د امنيه قوماندانۍ د امنيت امر سمونوال سخي داد حيدري پژواک اژانس ته وويل چې دغه بريد نن سهار درې بجې شوى .

 ده وويل چې تراوسه (سهار ٨بجې) جګړه په شدت سره دوام لري او تراوسه کم تر کمه اته وسله وال طالبان وژل شوي، يو شمېر نور ټپيان دي او دغه راز دوه امنيتي سرتېري هم ټپيان دي .

 ده وويل چې د امنيتي ځواکونو مرستې ته د ولايت له مرکزه نور ځواکونه هم ورلېږل شوي چې د وسله والو دا بريد په شا وتمبوي .

وسله والو طالبانو تراوسه پورې په دې اړه څه نه دي ويلي .

 

ورته راپورونه:


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

اعلانونه

Advertisement