ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

اروزګان کې ٢٨ وسله وال وژل شوي

اروزګان کې ٢٨ وسله وال وژل شوي

author avatar
22 Sep 2015 - 10:43
اروزګان کې ٢٨ وسله وال وژل شوي
author avatar
22 Sep 2015 - 10:43

ترينکوټ (پژواک، ٣١ وږى ٩٤): چارواکي وايي چې په اروزګان ولايت کې د بهرنيو او کورنيو ځواکونو په هوايي او ځمکنيو عملياتو کې ٢٨ وسله وال وژل شوي دي.

د ياد ولايت د امنيې قوماندانۍ د امنيت امر رحيم الله خان د وږي په ٣١مه پژواک خبري اژانس ته وويل چې بهرنيو ځواکونو پرون د دهراوود ولسوالۍ د کوري مانده په سيمه کې د بې پيلوټه الوتکې هوايي بريد کړى دى.

هغه زياته کړه چې په دغه هوايي بريد کې د قوماندان ګل اغا په ګډون پنځه وسله وال طالبان وژل شوي دي.

بلخوا د چارچينو ولسوالۍ امنيه قوماندان ولي داد وايي چې تېره شپه وسله والو مخالفينو د يادې ولسوالۍ په سراب سيمه کې د ملي اردو پر کمپ بريد کړى دى.

د نوموړي په وينا، د ملي اردو په ځوابي بريدونو کې ٢٣ وسله وال وژل شوي او ٨ نور ټپيان دي.

خو د هغه په وينا، په دې نښته کې د ملي اردو سرتېرو ته کومه مرګ ژوبله نه ده اوښتې.

طالب وياند قاري يوسف احمدي وايي چې د دهراوود ولسوالۍ په بېلابېلو چاودنو کې يې ١١ دولتي سرتېري وژل شوي دي.

خو نوموړي د خپلو وسله والو د وژل کېدو په اړه څه نه دي ويلي. 

login or register a new account.

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.