د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

په ښرنه کې يو ځانمرګى بريدګر ونيول شو

په ښرنه کې يو ځانمرګى بريدګر ونيول شو

Oct 02, 2015 - 15:14

ښرنه (پژواک ١٠ تله ٩٤): د پکتيکا چارواکي وايي، د دې ولايت په مرکز ښرنه کې يو ځانمرګى بريدګر موخې ته له رسېدو وړاندې ژوندى نيول شوى دى.

د پکتيکا د امنيه قوماندانۍ د امنيت امر سمونوال نثاراحمد عبدالرحيمزي، پژواک خبري اژانس ته وويل چې د پوليس د ځانګړې قطعې له لوري د مرکز ښرنې په دوه کيلومترۍ کې د فاطمه خېلو په کلي کې د کشفي راپورونو پربنسټ عمليات کړي، چې په پايله کې يې يو ځانمرګى بريدکوونکى له واسکټ سره لاس په لاس نيول شوى دى.

ده زياته کړه، د دې ځانمرګي موخه د پوليسو د ځانګړې قطعې قوماندان عزيزالله کاروان و.

د هغه په وينا، له نوموړي سره درې تنه نور شکمن کسان هم نيول شوي او دا مهال د پوليسو له لوري ترې پوښتنې روانې دي.

د ځانګړو ځواکونو قوماندان عزيز الله کاروان، پژواک ته وويل چې نيول شوی ځانمرګی په يوه  کور کې نيول شوی، چې په نيولو سره يې د زيات شمېر بې ګناه هېوادوالو ژوند وژغورل شو.

د فاطمه خېلو کلي اوسېدونکو هم د ياد کس نيول کېدل تاييد کړي، خو په اړه يې نور معلومات نه دي ورکړي.

د يادونې ده، چې درې ورځې وړاندې د زرغون ښار ولسوالۍ په سيګانه کلي کې په موټرسايکل کې د چاودېدونکو توکو د چاودنې له امله لسګونو تنو ته مرګ ژوبله اوښتې وه.

ورته راپورونه:

اعلانونه

Advertisement