د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

"حکومت د سرپرېکوونکو پر نيولو او مجازاتو ورکولو مکلف دى"

"حکومت د سرپرېکوونکو پر نيولو او مجازاتو ورکولو مکلف دى"

Nov 11, 2015 - 17:55

باميان (پژواک ، ٢٠ عقرب ٩٤): د باميانو والي او مدني فعالانو، حکومت په ځانګړې توګه امنيتي ځواکونه د اوو کسانو سر پرېکوونکو پر نيولو او هغوى ته د سزا پر ورکولو باندې مکلف وګڼل.

هغه غونډه چې نن په باميانو کې د مدني ټولنې د غونډو په دفتر (مجما) کې ترسره شوه، هغوى د قربانيانو له کورنيو سره د خواخوږي تر څنګ وويل چې حکومت بايد په دې اړه چوپ پاتې نه شي.

د (مجما) مشر حسين داد احمدي پژواک خبري اژانس ته وويل چې حکومت دې د دې خونړۍ او زړه بوږنوونکې  پېښې قاتلان تر نيولو وروسته مجازات کړي او د يادو اوو کسانو خاورو ته د سپارلو په مراسمو کې دې برخه واخلي.

د راپورونو له مخې، داعش وسله والو تېره مياشت دا کسان د غزني ولايت له جاغوري ولسوالۍ څخه تښتولي وو چې د لړم په ١٧مه د ملا اخترمحمد منصور په مشرۍ د وسله والو طالبانو او ملا منصور جنګياليو تر منځ نښتو له امله،  داعش وسله والو له تښتول شوو کسانو څخه  د زابل ارغنداب ولسوالۍ سردرې سيمه کې سرونه غوڅ کړل.

په قربانيانو کې درى ښځې او د لږ عمر يوه نجلۍ هم شامل دي.

همداراز نن مازديګر د باميانو والي په يوه خبري ناسته کې د سرپرېکولو دا پېښه په کلکه وغندله او هغه يې غير انساني عمل وباله او ويې ويل: "حکومت په ځانګړې توګه امنيتي ځواکونه مکلف دي چې  د يادو اوو کسانو وژلو عاملين چې ماشومان او ښځې هم په کې شامل دي او ټول مسافر وو، د قانون منګلو ته وسپاري."

هغه په دې ناسته کې چې د باميانو ولايت امنيتي مسوولينو، د ولايت مرستيال او ملي امنيت رييس هم ګډون درلود، زياته کړه چې سوله ييز لاريون د خلکو حق دى او خلک بايد د خپل حق غوښتلو غږ د حکومت غوږونو ته ورورسوي.

دا په داسې حال کې ده چې تېره ورځ د مدني بنسټونو په ګډون سلګونو کسانو پرون په باميان ښار کې لاريون وکړ او د اوو کسانو وژلو عاملان يې محکوم کړل او دولت يې پر دې ګرم وباله چې د داعش وسله والو له منګلو يې خلاص نه کړل.

د يادونې ده چې نن د ښځو په ګډون زرګونو کسانو کابل ښار کې لاريون وکړ او د ارګ په مخ کې راغونډ شوي وو چې د حکومتي مشرانو د استعفا او د دې پېښې عاملانو ته يې د مجازاتو غوښتنه کوله.

ورته راپورونه:

اعلانونه

Advertisement