د پژواک خدمتونه

د انځورونو څانګه

غږيزه څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د هلمند تر پنځوسو ډېر ښوونځي د وروستیو جګړو له امله تړل شوي

د هلمند تر پنځوسو ډېر ښوونځي د وروستیو جګړو له امله تړل شوي

Nov 18, 2015 - 17:31

لښکرګاه (پژواک، ۲۷ لړم ۹۴): د هلمند د پوهنې رياست چارواکي وايي چې د وروستيو نا امنيو له امله په مرکز لښکرګاه او شاوخوا ولسواليو کې تر پنځوسو ډېر ښوونځي تړل شوي دي.

د هلمند د پوهنې مشر عبدالمتین جعفر د لړم په ٢٧مه پژواک خبري اژانس ته د يوې ځانګړې مرکې په ترڅ کې وويل چې په دې وروستيو کې په مرکز لښکرګاه او نادعلي، مارجې او ګرشک ولسواليو کې ٥١ ښوونځي تړل شوي دي.

دى وايي چې د دغو ښوونځيو د تړل کېدو له امله ٤٢ زره هلکان او نجونې له زده کړو بې برخې شوي دي.

ده وويل: ((تر دې مهاله ښوونکو او زده کوونکو ته د کومې ډلې یا په ځانګړې توګه  د وسله والو طالبانو له خوا څه نه دي ویل شوي، یواځېنی لامل يې په سیمه کې نا امني ده چې زده کوونکي او ښوونکي نه شي کولای ښوونځيو ته  ولاړ شي.))

د پوهنې د رييس په وينا، د تړل شوو ښوونځيو زده کوونکي په هغو ښوونځيو کې ځاى پر ځاى شوي چې اوسمهال فعال دي.

جعفر وايي چې د وروستيو جګړو له امله دوه ښوونځي سوځېدلي هم دي.

دى وايي چې د نا امنۍ له امله د تړل شوو ښوونځيو د بېرته فعالولو لپاره يې جدي هلې ځلې پيل کړې دي.

د نادعلي ولسوالۍ د چاه انجیر لېسې زده کوونکي حافظ هلال الدین پژواک ته وویل: ((زه په يوولسم ټولګي کې يم، د ناامنيو له امله زموږ مکتب تړل شوى، اوس په لښکرګاه کې د صافيانو په ښوونځي کې په غير رسمي ډول زده کړې کوم.))

د ده  په وینا، که چېرې تر راتلونکو ازموینو پورې په چاه انجیر سيمه کې د ښوونځيو ستونزې هوارې نه شوې نو اړ دي چې په رسمي ډول خپل اسناد لښکرګاه ښار ته راوړي.

دا په داسې حال کې ده چې دوه ورځې وړاندې د هلمند والي ميرزا خان رحيمي هم ويلي وو چې په مرکزي سيمو کې د نا امنيو له امله ٣٥ ښوونځي تړل شوي دي.

د يادونې ده، په هلمند کې په ټوليزه توګه ٣٨٣ ښوونځي شته چې د نا امنيو له امله يې ١٥٦ ښوونځي تړل شوي دي.

 

 

 

 

ورته راپورونه:

اعلانونه

Advertisement

Etisalat Get more data, Etisalat Afghanistan