ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

د غزني په مقر کې لاريون وشو

د غزني په مقر کې لاريون وشو

author avatar
20 Nov 2015 - 15:15
د غزني په مقر کې لاريون وشو
author avatar
20 Nov 2015 - 15:15

غزني (پژواک، ۲۹ لړم ۹۴): د غزني په مقر ولسوالۍ کې شاوخوا ۵۰۰ کسانو له هغه وروسته لاريون وکړ چې يو شمېر کسان د مقر د لري شوي امنيه قوماندان د بېرته راتګ په موخه د غزني امنيې قوماندانۍ ته ورغلي وو.

يوه لاريون کوونکي رحمت الله د لړم په ۲۹مه پژواک خبري اژانس ته وويل: "د مقر د ولسوالۍ امنيه قوماندان سمونيار حاجي محمد يو بې کفايته شخص دی، دی او د ده کسان په ياده ولسوالۍ کې خلک بېځايه ځوروي."

هغه زياتوي، حاجي محمد تش په نوم قوماندان و او ټول واک له سيمه ييزو پوليسو او پاڅوانوالو سره و چې ډېری خلک يې د طالب او له طالب سره د همکارۍ په تور ځورول.

دغه لاريون نن له غرمې مخکې لس بجې د مقر ولسوالۍ په بازار کې پيل شو او له غرمې وروسته تر يوې بجې يې دوام درلود، لاريون کوونکو د يو ساعت لپاره د کابل ـ کندهار لاره هم د ترافيکو پر مخ تړلې وه.

خو د غزني امنيه قوماندان جنرال امين الله امرخېل پژواک خبري اژانس ته وويل چې د مقر ولسوالۍ امنيه قوماندان له دندې نه دی لرې شوی.

دی زياتوي، له تېرې يوې اوونۍ راهيسې يو شمېر خلک د ياد قوماندان په پلوی او يو شمېر نور د دغه قوماندان د لرې کېدو په موخه ورغلي دي.

د مقر امنيه قوماندان دغه تورونه ردوي او زياتوي چې دغه کسان د وسله والو طالبانو له خوا لاريون ته هڅول شوي دي.

login or register a new account.

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.