ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

ترافيکي پېښې ٨ تنو ته مرګ ژوبله اړولې

ترافيکي پېښې ٨ تنو ته مرګ ژوبله اړولې

author avatar
12 Dec 2015 - 17:17
ترافيکي پېښې ٨ تنو ته مرګ ژوبله اړولې
author avatar
12 Dec 2015 - 17:17

کندهار ( پژواک، ٢١ ليندۍ ٩٤ ) : د کندهار- سپين بولدک پر لويه لاره په ترافيکي پېښه کې يو ماشوم مړ او ٧ تنه نور ټپيان شوي دي.

پېښه نن تر غرمې مخکې پر يادې شوې لارې ارغستان پول ته څېرمه شوې ده.

د کندهار د امنيې قوماندانۍ وياند ضيا دراني د ليندۍ په ٢١مه، پژواک خبري اژانس ته وويل، دغه ترافيکي پېښه د دوه فيلډر موټرو او يو کرولا موټر د ټکر له امله شوې ده.

هغه زياته کړه، په دې پېښه کې يو ماشوم ژوند له لاسه ورکړى او ٧ تنه نور ټپيان شوي چې د پوليسو له خوا روغتون ته رسول شوي دي.

دى وايي، د ځينو ټپيانو روغتيايي حالت ښه نه دى.

نوموړي دا هم وويل چې پېښه د بې احتياطۍ له امله شوې، خو ترافيک پوليسو په دې اړه پلټنې پيل کړې دي.

د يوه بل خبر له مخې، تېره شپه ٢:٣٠ بجې د ميوند ولسوالۍ په بيبانک سيمه کې د پوليسو پر امنيتي پوسته بريد شوى چې په پايله کې يې دوه وسله وال وژل شوي او يو پوليس ټپي شوى دى.

د امنيې قوماندانۍ وياند وايي، يوې ډلې وسله والو د شپې له تيارې په ګټې اخيستو پر امنيتي پوسته بريد وکړ چې د پوليسو له کلک مقاومت سره مخ شول.

دى وايي، د جګړې په پايله کې د وسله والو بريد په شا تمبول شوى ، دوه وسله وال وژل شوي او دغه راز يو پوليس هم ټپي شوى دى.

د نوموړي په وينا، وسله والو د خپلو وژل شوو کسانو جسدونه د جګړې په ډګر کې پرې ايښي دي.

د دې پېښې په اړه وسله والو طالبانو څه نه دي ويلي.

 

login or register a new account.

ورته موضوع

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.