کابل ( پژواک، ٢١ ليندۍ ٩٤ ) : ولسمشر محمد اشرف غني د ټاپي ګازو نل ليکې پروژې د پرانيستې په موخه د لوړ پوړي دولتي پلاوي په مشرۍ ترکمنستان ته روان شو.
له ارګ څخه د ليندۍ په ٢١مه، پژواک خبري اژانس ته په يوه رالېـږل شوې خبرپاڼه کې راغلي چې ولسمشر غني د دغه دوه ورځني رسمي سفر په جريان کې د ترکمنستان، افغانستان، پاکستان او هند د ګازو د نل ليکې د پروژې د ساختماني کار پر پرانيستې سربېره به د ترکمنستان له ولسمشر قربان قلي بردي محمدوف سره کتنه هم ولري.
سرچينې زياته کړې چې نوموړى به ”د سولې، امنيت او پرمختګ په برخه کې د نړيوالو همکاريو د بې طرفانه پاليسيو“ کنفرانس کې هم خبرې وکړي.
په خبرپاڼه کې راغلي چې له ولسمشر سره په دې سفر کې د ماليې وزير اکليل حکيمي، د ولسمشر سلاکار ډاکټر محمد همايون قيومي، د کانونو وزير داوود شاه صبا، د اوبو او انرژۍ وزير علي احمد عثماني، د سوداګرۍ وزير محمد همايون رسا، د کرنې او مالدارۍ وزير اسدالله ضمير، د منځنۍ اسيا په چارو کې د ولسمشر سلاکار شاکر کارګر او د هرات او فارياب واليان هم ملتيا کوي.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن