کابل (پژواک، د مرغومي لومړۍ نېټه ٩٤): په افغانستان کې د ناټو ځواکونو عمومي قوماندان د پاکستان د پوځ له مشر جنرال راحيل شريف سره پر امنيتي موضوعاتو او د سولې پروسې په اړه خبرې کړې دي.
د پاکستان په راولپنډۍ ښار کې د پوځ د عامه اړيکو له دفتره (اى اېس پي ار) د مرغومي په لومړۍ نېټه په يوه خپره شوې خبرپاڼه کې راغلي چې په افغانستان کې د ناټو او امريکايي ځواکونو لوى قوماندان جنرال جان کمپبل پرون د پوځ له مرکزه ليدنه وکړه.
سرچينې زياته کړې چې جنرال کمپبل د پاکستان د پوځ له مشر جنرال راحيل شريف سره وليدل او پر بېلابېلو موضوع ګانو يې خبرې وکړې.
په خبرپاڼه کې راغلي چې دوى په ځانګړې توګه د سيمې پر امنيت او د افغان سولې پروسې په اړه خبرې وکړې.
دغه ليدنه په داسې حال کې شوې چې ټاکل شوې په نږدې راتلونکي کې پر افغان سولې د خبرو اترو لپاره د پاکستان د پوځ مشر جنرال راحيل شريف کابل ته راشي.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن