د پژواک خدمتونه

د انځورونو څانګه

غږيزه څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

په بلخ کې د نجونو د فوټبال سيالۍ پيل شوې

په بلخ کې د نجونو د فوټبال سيالۍ پيل شوې

Dec 28, 2015 - 18:25

مزارشريف (پژواک،۷مرغومی۹۴): د بلخ ولايت په مرکز مزارشريف ښار کې د نجونو د فوټبال سيالۍ د دغه ولايت د نجونو ولايتي لوبډلې د ټاکلو په موخه پيل شوې.

دغه سيالۍ د مزارشريف ښار په مختار فوټبال لوبغالي کې د بلخ ولايت د اتو لوبډلو تر منځ د مرغومي په ۷مه، پيل شوې.

د بلخ د اولمپيک امريت د فوټبال د برخې مسوول حاجي اسحق پژواک خبري اژانس ته وويل، چې يادې سيالۍ د ليګ په سيستم ترسره کيږي چې په راتلونکو درې ورځو کې به يې پایلوبه هم تر سره شي.

نوموړي زياته کړه، چې دوی په بلخ ولايت کې د نجونو د فوټبال لوبې د ودې تر څنګ هڅه کوي، چې د دغه ولایت لپاره د ځوانو نجونو د فوټبال يوه لوبډله هم ولري.

د هغه په وینا، يادې سيالۍ په همدې موخه پيل شوي، چې د بلخ ولايت د نجونو د فوټبال ولايتي لوبډلې وټاکل  شي.

په يادې سيالۍ کې لوبېدونکې د فوټبال لوبغاړې عارفې محمد زاده پژواک ته وویل خوشحاله ده چې په دې ولايت د نجونو فوټبال د پام وړ پرمختګ کړى او اوس يې ترمنځ سيالي هم ترسره کيږي.

نوموړې زياته کړه، چې کورنۍ بايد په دغه برخه کې د زلميانو تر څنګ نجونې هم تشويق کړي او ملاتړ يې وکړي.

د هغې په وينا، هغه کورنۍ چې خپلې لوڼې نه هڅوي نو لږ تر لږه د نورو د لارې خنډ دې نه کېږي.

دغه راز حاجي اسحق دا هم وويل، چې په بلخ ولايت کې سربېره پر دې چې د نجونو فوټبال د ودې په حال کې دی خو ځينې ستونزې هم لري.

نوموړي زياته کړه، چې د دوی تر ټولو جدي ستونزه د نجونو د فوټبال لپاره د ځانګړي لوبغالي نشتوالی دی، چې بايد حکومت په دې برخه کې ځانګړی پام وکړي.

د هغه په وينا، په بلخ کې د نجونو د فوټبال فدراسيون په پوره توګه فعال دی او هر کورنۍ کولی شي، چې خپلې لوڼې د فوټبال لوبې لپاره په دې لړۍ کې شاملې کړي.

 

نښه: 

ورته راپورونه:

اعلانونه

Advertisement

Etisalat Get more data, Etisalat Afghanistan