د پژواک خدمتونه

د انځورونو څانګه

غږيزه څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

ډېرى افغانان له کرکټ او فوټبال سره يو شان مينه لري

ډېرى افغانان له کرکټ او فوټبال سره يو شان مينه لري

Jan 04, 2016 - 16:43

کابل (پژواک، ١٤ مرغومى٩٤): د پژواک خبري اژانس نظرپوښتنه ښيي چې ډېرى افغانان له کرکټ او فوټبال سره يو شان مينه لري او په دې برخو کې د افغان لوبغاړو پر اتلوليو وياړي.

پژواک خبري اژانس تېره ورځ له غرمې وروسته دوه بجې د خپلې فېسبوک پاڼې له لارې له خلکو پوښتلي، چې "د کرکټ او فوټبال له ډلو د کوم يوې لوبې ډېرې ننداره کوئ؟"

نن له غرمې وروسته تر دوو بجو دغه نظرپوښتنه شاوخوا لس زره او پنځه سوه تنو خوښه کړې، ٤٠ تنو شريکه کړې او ٣٢٩٥ تنو پرې خپل نظر ليکلى دى.

له يادو ٣٢٩٥ تنو څخه ٢٣٢٣ تنو چې څه باندې ٧٠ سلنه جوړوي، ويلي چې د دواړو لوبو ننداره کوي.

له دې کسانو څخه د نذير صديقي په نوم يو تن ليکلي: "يوه ډله زموږ روح او بله مو جسم دى، موږ ته هېڅ توپير نه لري، دواړه مو وياړ دي."

منير افغان ليکلي: "دواړه ټيمونه مې دواړه لېمه دي، هېڅ يو له بل نه برتري نه لري، دواړه ګورم او له دواړو خوند اخلم او پر دواړو وياړم."

دغه راز فريد ګردېزي ليکلي، چې فوټبال يې ډېر خوښېږي، خو له زړه نه د دواړو ملي لوبډلو ملاتړ کوي.

دى وايي، د فوټبال  په ملي لوبډله کې له  فيصل شايسته او منصور فقيريار او د کرکټ په ملي لوبډله کې له شهزاد محمدي او دولت ځدراڼ  سره ډېره مينه لري او دواړو ډلو ته د برياوو هيله کوي.

يو شمېر کسان د يادو تبصرو ستاينه کوي.

شېراکبر ليکلي چې دا تبصرې د ده د خوښۍ لامل شوې او ټول بايد پوه شي، چې د افغانانو تر منځ اختلاف نشته.

منصور ارشد بيا وايي: "عزيزانو! کيف مې وکړ ستاسو پر دې جانانه تبصرو. ټول يو لاس ياستئ. زنده باد!"

بهرامي هم ليکي: "د باکولتوره او يو موټي افغانانو په ښکلو او له تعصب څخه پاکو پيغامونو په لوستلو مې له ډېرې خوښۍ اوښکې له سترګو وبهېدې."

هغه ويلي، د دواړو لوبډلو غړي افغان زمريان او د ټولو افغانانو وياړ دي او خداى (ج) يې دې تل بريالي لري.

له پاتې ٩٧٢ کسانو څخه ٦٩٧ تنو چې د ټولو تبصره ليکونکو څه باندې ٢١ سلنه جوړوي ليکلي، ځکه کرکټ ننداره کوي چې د خوښې لوبه يې ده.

محمد اجمل ګلزاده ليکلي: "د کرکټ ننداره مې ډېره خوښه ده، ځکه چې د فوټبال په لوبه مې سر نه خلاصيږي."

 خو ٢٥٢ تنه چې د ټولو تبصره کوونکو کابو اته سلنه جوړوي، ليکلي، ځکه فوټبال ننداره کوي چې همدا يې د خوښې لوبه ده.

حارث اصفي ليکلي، د فوټبال لوبه ځکه ګوري چې ډېره په زړه پورې ده. هغه وايي چې د فوټبال له  افغان لوبغاړو سره ډېره مينه لري.

خو ٢٣ تنو د "ماشاءالله ، ډېر ښه او ... " په ليکلو اکتفا کړې او نه يې دي ويلي چې کومه لوبه ننداره کوي.

دا په داسې حال کې ده، چې د روانې مياشتې په شپږمه د افغانستان او زمبابوې د کرکټ ملي لوبډلو ترمنځ سيالۍ په عربي متحده اماراتو کې پيل شوي او د دې مياشتې تر شلمې به دوام وکړي.

 د دواړو لوبډلو تر منځ پنځه سيالۍ ترسره کېږي او  تردې دمه افغانستان دوې لوبې ګټلي او يوه يې بايللې ده.

دغه راز د افغانستان د فوټبال ملي لوبډلې تېره شپه د سوېلي اسيا د (چلنج کپ) په پايلوبه کې له هندوستان سره په لوبې کولو، د چلنج کپ سياليو کې دويم مقام‌  خپل کړ.

 

ورته راپورونه:

اعلانونه

Advertisement

Etisalat Get more data, Etisalat Afghanistan