د پژواک خدمتونه

د انځورونو څانګه

غږيزه څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د کونړ ځانمرګي بريد ډېرى قربانيان د سړک غاړې د توکو پلورونکي وو

د کونړ ځانمرګي بريد ډېرى قربانيان د سړک غاړې د توکو پلورونکي وو

Feb 27, 2016 - 14:41

اسعد اباد، کابل ( پژواک، ٨ کب ٩٤) : د کونړ ولايت د مرکز اسعد اباد ښار په ځانمرګي بريد کې ډېرى هغه کسان وژل شوي چې  د سړک پر غاړه يې بېلا بېل توکي خرڅول .

دغه ځانمرګى بريد د کب په ٨ مه، د سهار په شاوخوا نهو بجو ٣٠ دقيقو ولايت مقام ته څېرمه د شهيدانو په څلور لاري کې د يوه پلي بريدګر لخوا وشو.

د کونړ والي وحيدالله کليمزي پژواک خبري اژانس ته وويل چې  دا بريد د ولايت مقام د لويې دروازې په څنګ کې شوی .

هغه زياته کړه  چې په دې بريد کې ١٣ تنه ولسي خلک وژل شوي او ٤٠ نور ټپيان شوي دي.

که څه هغه وويل، چې تر اوسه د بريد موخه نه ده معلومه، خو زياتوي چې په وژل شويو کسانو کې د دانګام ولسوالۍ قومي مشر او پخوانى جهادي قوماندان حاجي خانجان هم شامل دى.

د يادونې ده چې د دانګام ولسوالۍ اوسېدونکو د حاجي خانجان په مشرۍ څه موده مخکې د وسله والو طالبانو پر ضد پاڅون کړى و.

په ولسي جرګې کې د کونړ د خلکو استازى حاجي سخي مشواڼى بيا وايي، چې د بريد موخه د دانګام د پاڅونوالو مشر حاجي خانجان و.

د کونړ د عامې روغتيا سرپرست رييس ډاکټر احسان الله فضلي پژواک اژانس ته وويل، چې دوى ته ١١ جسدونه او ٤٠ ټپيان راوړل شوي وو، خو اوه تنه سخت ټپيان يې د جلال اباد روغتون ته لېږدولي دي.

دغه راز هغه زياته کړه چې د ننګرهار له ملکي روغتون څخه د ډاکټرانو يوه ډله اسعد اباد ته رسېدلې او د ټپيانو په درملنه کې مرسته کوي.

د محمد ناصر په نامه د پېښې يوه عيني شاهد پژواک اژانس ته وويل  چې تر چاودنې وروسته لومړى د پېښې  ځاى ته ورسېد، چې هر لوري ته مړي او ټپيان پراته وو.

دى وايي : (( ټپيانو چيغې وهلې، چې موږ روغتون ته ورسوئ،څو شېبې وروسته پوليس او نور خلک راغلل او د ټپيانو په لېږدولو يې پيل وکړ.))

ده زياته کړه، په ټپيانو او مړو کې ډېرى هغه خلک وو چې د سړک پر غاړه يې نخود، پيکوړې او د ټېليفونونو کرېډټ کارتونه خرڅول .

د عبدالعزيز په نامه د پېښې يوه بل عيني شاهد پژواک اژانس ته وويل  چې په وژل شويو کسانو  کې څو تنه هغه زلمي صرافان هم وو، چې د سړک پر غاړه يې صرافي کوله.

د هغه په وينا، د دې پېښې ډېرى قربانيان هغه خلک دي  چې د خپلې کورنۍ د يوې نمړۍ ډوډۍ لپاره   مزدورۍ پسې راوتلي وو.

ده زياته کړه : (( بريدګر او د هغه تر شا چې د هر چا لاس وي، خداى ته به څه ځواب ورکوي، چې دا بې ګناه خلک يې ووژل.))

د مرورې ولسوالۍ يوتن اوسېدونکى خان محمد وايي، پنځه کليوال چې په ښار کې يې چپس او پيکوړې خرڅولې ، دوه وروڼه وژل شوي، دوه وروڼه او يو يې وراره ټپيان دي.

بلخوا ولسمشر اشرف غني او اجراييه رييس ډاکټر عبدالله عبدالله دغه پېښه په کلکه غندلې ده.

ولسمشر د دې بريد د غندلو ترڅنګ ويلي، په عامو خلکو بريد او هغوی ته مرګ ژوبله اړول ستر جنايت دی، چې په هېڅ دين او قانون کې توجيه نه لري.

هفغه زياته کړې : (( د افغانستان دولت به له هغو ډلو سره د سولې مذاکرات ونه کړي، چې زموږ عام هېوادوال په نښه کوي .))

اجراييه رييس ډاکټر عبدالله ددې پېښې د غندلو ترڅنګ ويلي، هغوی چې ترهګريزو فعاليتونو او جنګ ته ادامه ورکوي، د افغانستان امنيتي او دفاعي ځواکونه به  په مېړانه او زړورتيا د دوی پر ضد مبارزه وکړي او نابود به يې کړي.

د ياد بريد مسووليت تر اوسه کومې ډلې پر غاړه نه دى اخيستى. 

ورته راپورونه:

نظر ورکړئ

اعلانونه

Advertisement

Etisalat Get more data, Etisalat Afghanistan