د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د کډوالو وزير: د افغان پناه غوښتونکو له جبري را ايستلو مخنيوى شوى

د کډوالو وزير: د افغان پناه غوښتونکو له جبري را ايستلو مخنيوى شوى

Mar 27, 2016 - 19:32

کابل (پژواک،٨ ورى ٩٥): د افغانستان د بهرنيو چارو وزارت د افغان پناه اخيستونکو پر دواطلبانه راستنېدو ټينګار کړى او وايي، د تېر زېږديز کال تر پايه ٢٥٠زره افغانانو اروپايي هېوادونو کې د پناه غوښتنه کړې وه او ښايي د پناه غوښتونکو له ډلې څخه ٤٠ سلنه يې ونه منل شي.

د کډوالو او راستنېدونکو چارو وزير سيد حسين عالمي بلخي، چې نن د مشرانو جرګې عمومي غونډې ته اروپا کې د افغان کډوالو د پناه غوښتنې او له يادو هېوادونو څخه د جبري شړلو په تړاو د معلوماتو ورکولو لپاره وربلل شوى و، ويې ويل چې يو شمېر اروپايي هېوادونو تصميم درلود چې له قيد او شرط پرته شاوخوا ٤٠ سلنه افغان پناه غوښتوونکي " کابو سل زره تنه" په زوره وباسي.

نوموړي وويل: "زموږ پرله پسې خبرې اترې او غونډې د دې لامل شوې، چې اروپايي ټولنه قانع شي چې خبرو اترو کې برخه واخلي او افغان پناه غوښتونکي په زوره خارج نه کړي... دا مهال د جبري راايستلو مخه نيول شوې ده."

بلخي زياته کړه، افغان دولت د افغان پناه غوښتونکو په داوطلبانه راستنېدو ټينګار کوي؛ خو له پناه غوښتونکو سره د توپيريز چلند په وړاندې به چوپ پاتې نه شي.

د کډوالو وزير د معلوماتو له مخې، د تېر زېږديز کال تر پايه څه باندې ٢٥٠زرو افغانانو اروپايي هېوادونو کې د پناه اخيستلو غوښتنه کړې وه، چې د اروپايي ټولنې د چارواکو د وړاندوينې له مخې، د ٤٠ سلنې غوښتنه به و نه منل شي.

د کډوالو چارو وزير وويل، افغان دولت هوډ لري چې د روان زېږديز کال اکتوبر مياشت کې د بروکسل له غونډې وړاندې له اروپايي ټولنې سره د افغان پناه غوښتونکو په تړاو يوې واحدې پايلې ته ورسېږي.

هغه وويل: "موږ  به له يوې ځانګړې او بشپړې اجنډا سره د بروکسل غونډه کې برخه واخلو."

همداراز نوموړي يادونه وکړه چې پاکستان کې د شاوخوا يو عشاريه شپږو ميليونو او ايران کې د شاوخوا يو عشاريه څلورو ميليونو افغان کډوالو د اقامت موده غځول شوې ده.

نوموړي کډوالي يوه ملي او سيمه ييزه پديده وګڼله او ويې ويل، افغانستان کې  وروستي تحولات، د ناامنيو او وزګارتيا زياتوالى هغه لاملونه دي چې د کډوالۍ ګراف يې لوړ کړى دى.

د هغه په وينا، دا په داسې حال کې ده  چې کډوالي يواځې افغانانو پورې تړلې ستونزه نه ده، بلکې په نړيوال کړکېچ بدله شوې ده.

دى وايي،  له ٢٠٠١ کال راهيسې تر اوسه شاوخوا شپږ ميليونه افغانان په خپله زړه هېواد ته راستانه شوي دي او څه باندې اووه ميليونه او دوه سوه زره تر اوسه هم، د سيمې يو شمېر هېوادونو، اروپا او امريکا کې ژوند کوي.

نوموړ ي زياته کړه، کابو درې ميليونه افغان کډوال پاکستان، څه باندې دوه ميليونه او ٤٠٠زره ايران او ٦٥٨زره افغانان د نړۍ په نورو هېوادونو کې ژوند کوي.

بلخي وويل چې له ٢٠٠١ کال راهيسې شاوخوا ٧٧١زره افغانانو د نړۍ ځينو هېوادونو کې دويم تابعيت تر لاسه کړى دى.

د بهرنيو چارو وزارت سياسي مرستيال حکمت کرزي چې د مشرانو جرګې نننۍ غونډه کې يې برخه درلوده، د غونډې د سري کېدو غوښتنه يې وکړه، چې دا غوښتنه يې د جرګې له لوري ومنل شوه.

ورته راپورونه:

نظر ورکړئ

اعلانونه

Advertisement