اسعداباد (پژواک، ١٠ورى٩٥): د امنيتي ځواکونو يوې څرخي الوتکې په ناړې ولسوالۍ کې بېړنۍ ناسته کړې خو طالبان وايي چې دغه الوتکه دوى ويشتلې ده.
د کونړ والي وحيدالله کليمزي د وري په ١٠مه پژواک خبري اژانس ته وويل چې پرون د ملي اردو ځواکونو څرخي الوتکې د تخنيکي ستونزو له امله په ناړۍ ولسوالۍ کې بېړنۍ ناسته کړې ده.
هغه وايي: ((دې الوتکې امنيتي پوستو ته اکمالات کول چې له تخنيکي ستونزو سره مخ شوه او په قرارګاه کې يې عاجله ناسته کړې ده.))
والي وايي چې د يادې الوتکې د ناستې له امله الوتکې او په کې ناستو کسانو ته کومه ستونزه نه ده پېښه شوې.
خو د وسله والو طالبانو وياند ذبيح الله مجاهد پژواک ته وويل چې طالبانو پرون د ناړۍ ولسوالۍ په انچه ګل سيمه کې د امنيتي ځواکونو يو څرخي الوتکه ويشتلې ده.
هغه وويل: ((هليکوپتره نسکوره شوې او په کې ناست ١٢ کومانډويان وژل شوي دي.))
خو د کونړ والي د مجاهد يادې څرګندونې رد کړې.
دا په داسې حال کې ده چې تر دې وړاندې هم د هيواد په بيلابيلو سيمو کې د افغان امنيتي ځواکونو چورلکو د تخنيکي ستونزو له امله بېړنې ناستې کړي دي.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن