کندهار (پژواک، ١٢ ورى ٩٥): وسله والو کسانو په کندهار ښار کې يو ملا امام پر ډزو وژلى او وروسته تښتېدلي دي.
دغه پېښه تېره شپه شاوخوا نهه بجط د لسمې امنيتي حوزې اړوند د لويې ويالې د نري پُل په سيمه کې رامنځته شوې ده.
د کندهار د والي وياند صميم خپلواک د وري په ١٢مه پژواک خبري اژانس ته وويل چې وسله وال پر موټرسايکل سپاره وو او هغه وخت يې د سيمې يو ملا امام په نښه کړ چې خپل کور ته پر لاره و.
دى زياتوي، بريد کوونکو پر ملا امام د تومانچې ډزې کړې هغه يې ځاى پر ځاى وژلى او وروسته تښتېدلي دي، خو پوليسو يې د نيولو هڅې پيل کړي دي.
د ده په خبره، د پوليسو له لومړيو پلټنو څرګندېږي چې دغه موضوع جنايي اړخ لري؛ ځکه ياد ملا امام شخصي دښمني لرله.
د دې پېښې مسووليت تر دې مهاله کومې ډلې نه دى منلى.
تر دې وړاندې په کندهار ښار کې په ورته غلچکي بريدونو کې ګڼ شمېر ديني عالمان، قومي مشران، دولتي کارکوونکي او امنيتي مسوولين په نښه شوي او وژل شوي، چې د ډېرو پړه وسله والو طالبانو په غاړه اخيستې.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن